MNP - ဇွန် ၁၉
ရှမ်းပြည်နယ် (မြောက်ပိုင်း) ကျောက်မဲခရိုင်၊ နောင်ချိုမြို့ သဖန်းကိုင်းပရဟိတ နွေရာသီ (အခမဲ့) ကွန်ပျူတာသင်တန်းဆင်းပွဲကို ယနေ့နံနက် ၁၁ နာရီအချိန်က သဖန်းကိုင်းပရဟိတအကယ်ဒမီဝိပဿနာဓမ္မရိပ်သာဓမ္မဗိမာန်တော်အတွင်း ကျင်းပခဲ့ကြောင်းသိရသည်။
အဆိုပါသင်တန်းကို သဖန်းကိုင်းပရဟိတဆရာတော် သမ္ဓမ္မဇောတိကဓဇ ဒေါက်တာပညာလင်္ကာရ၏ ဦးဆောင်စီစဉ်မှုဖြင့် ၂၀၂၂ ခုနှစ် ဧပြီလ ၂၁ မှ ဇွန်လ ၁၈ ရက်နေ့ထိ ၂ လတာ ဖွင့်လှစ်ခဲ့ပြီးသင်တန်းဆင်းပွဲတွင် သဖန်းကိုင်းပရဟိတဆရာတော်မှ ဆုံးမသြဝါဒစကား ပြောကြားခဲ့သည်။
သင်တန်းဆင်းပွဲသို့ သင်တန်းသား၊ သင်တန်းသူ (၁၀၀)ဦး၊ အလှူရှင်များ၊ သင်တန်းသား/ သူများ၏မိဘများတက်ရောက်ခဲ့ကြပြီး ဆရာတော်မှ သင်တန်းဆင်းလက်မှတ်များပေးအပ်ချီး မြှင့်ခဲ့ရာ သင်တန်းသား/သူများက လက်ခံရယူခဲ့ကြသည်။ သင်တန်းကာလအတွင်းဆရာတော်မှ ရပ်ဝေးမှလာရောက်သည့် သင်တန်းသား၊ သင်တန်းသူများအား နေရေးထိုင်ရေး၊ စားသောက်ရေးကိစ္စများကိုပါ စီစဉ်ဆောင်ရွက်ထားရှိပေးခဲ့ကြောင်း သဖန်းကိုင်းပရဟိတဆရာတော်ထံမှ သိရသည်။
သတင်း - ထွေးငယ်
မြန်မာနေရှင်နယ်ပို့စ်
No comments:
Post a Comment