MNP - ဇွန် ၁
မန္တလေးတိုင်းဒေသကြီး ၊ မိတ္ထီလာမြို့နယ်အတွင်းရှိ ရွှေစစ်သည်-ကျီကုန်း- ရွာတန်းရှည်-အုံတုံခရိုင်ချင်းဆက်လမ်း အပိုင်း(၁) (မိတ္ထီလာ-ရွှေစစ်သည်လမ်းပိုင်း)ကို ၂၀၂၂-၂၀၂၃ ဘဏ္ဍာရေးနှစ်တိုင်းဒေသကြီး(ငွေလုံးငွေရင်း)ရန်ပုံငွေ ကျပ်သန်း ၅၀၀ ဖြင့် ကတ္တရာခင်းခြင်းလုပ်ငန်း ဆောင်ရွက်သွားမည်ဖြစ်ကြောင်း သိရသည်။
ကျေးလက်လမ်းဖွံ့ဖြိုးရေးဦးစီးဌာနမှ ကျေးလက်နေပြည်သူများ သွားလာရာတွင်အဆင်ပြေစေရန် နှစ်စဉ်ဘဏ္ဍာရေးနှစ်အလိုက် လမ်းအဆင့်မြှင့်တင်ခြင်းလုပ်ငန်းများ၊ တံတားတည်ဆောက်ခြင်းလုပ်ငန်းများ၊ ရေကျော်တည်ဆောက်ခြင်လုပ်ငန်းများ ဆောင် ရွက်လျက်ရှိသည်။ ထိုသို့ ဆောင်ရွက်လျက်ရှိရာမှ မြို့နယ်အတွင်းရှိ ရွှေစစ်သည်-ကျီကုန်း-ရွာတန်းရှည်-အုံတုံခရိုင်ချင်းဆက်လမ်း အပိုင်း(၁)(မိတ္ထီလာ-ရွှေစစ်သည်လမ်းပိုင်း)ကို ၂၀၂၂-၂၀၂၃ ဘဏ္ဍာရေးနှစ်တွင် တိုင်းဒေသကြီး (ငွေလုံးငွေရင်း) ရန်ပုံငွေ ကျပ်သန်း ၅၀၀ ဖြင့် မြို့နယ်ကျေးလက်လမ်းဖွံ့ဖြိုးရေးဦးစီးဌာနမှ ကြီးကြပ်ပြီး တင်ဒါအောင်မြင်သည် ကုမ္မဏီကတာဝန်ယူ၍ ကတ္တရာခင်းခြင်းလုပ်ငန်းအား ဆောင်ရွက် သွားမည်ဖြစ်ကြောင်း မြို့နယ်ကျေးလက်လမ်းဖွံ့ဖြိုးရေးဦးစီးဌာနမှ သိရသည်။
သတင်း - သိန်းမြင့်ကျော်
မြန်မာနေရှင်နယ်ပို့စ်
No comments:
Post a Comment