MNP ၊ ဇွန် ၂၃
မွန်ပြည်နယ်၊ပေါင်မြို့နယ်တွင် သံလွင်မြစ်ရေ တိုက်စားမှုကြောင့် ဘေးလွတ်ရာသို့ပြောင်းရွှေ့သည့် နေအိမ် (၂)လုံးအား ထောက်ပံ့ငွေများ ပေးအပ်ခြင်းကို ယနေ့ ညနေပိုင်းက ပြုလုပ်ခဲ့ကြသည်။
မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးသိုက်ထွန်း၏ ဦးဆောင်မှုဖြင့် မြန်မာနိုင်ငံရဲတပ်ဖွဲ့၊မြန်မာနိုင်ငံ မီးသတ်တပ်ဖွဲ့ဝင်များ၊ကြက်ခြေနီတပ်ဖွဲ့ဝင်များ က လက်ပံကျွန်းကျေးရွာ ကုလားစုရွာ၌ နေအိမ် (၂)လုံးအား လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ သထုံခရိုင်ဦးစီးမှူးရုံးမှ (၂၂-၆-၂၀၂၂)ရက်နေ့ နေ့လယ် (၁ ၀၀)နာရီအချိန်ခန့်တွင်ပေါင် မြို့နယ် လက်ပံကျွန်း ကျေးရွာအုပ်စု၊ ကုလားစုကျေးရွာတွင် ကမ်းပါး ပြိုကျမှုကြောင့် ကြိုတင်ဖျက်သိမ်း ပြောင်းရွှေ့ခဲ့ သည့်လူနေအိမ်(၂)လုံးအတွက် အိမ်ဆောက် ပစ္စည်းဖိုးငွေ(၂၁၄၇၀၀/-)ကျပ်အား ပေါင်မြို့နယ်စီမံအုပ်ချုပ်ရေးအဖွဲ့ရုံး၌ သွားရောက် ထောက်ပံ့ပေးအပ်ခဲ့ကြောင်း သတင်းရရှိသည်။
လက်ပံကျွန်းကျေးရွာသည် မုတ္တမပင်လယ်ဂွေ့ အတွင်းကျွန်းတစ်ကျွန်းဖြစ်ပြီး ရာသီပေါ်သီးနှံများကို စိုက်ပျိုးသည်။ နှုန်းမြေများဖြင့်ဖွဲ့စည်းထားသည့် ကျွန်းတစ်ကျွန်း ဖြစ်သည်နှင့်အညီ မြေပြိုကျမှုများလည်း ရံဖန်ရံခါ ဖြစ်ပေါ်မှုများရှိနေခဲ့ကြောင်းသိရသည်။
သတင်း - မွန်မလေး
https://t.me/MyanmarNationalPost
No comments:
Post a Comment