MNP - ဇွန် ၁၁
ကချင်ပြည်နယ်၊ မိုးညှင်းခရိုင်၊ မိုးညှင်းမြို့၌ အခြေခံပညာစာသင်ကျောင်းများ သန့်ရှင်းသာယာလှပစေရေးနှင့် စိတ်အေးချမ်းမြေ့စွာ ပညာသင်ကြားနိုင်ရေးအတွက် အပတ်စဉ် စနေနေ့တိုင်း စုပေါင်းသန့်ရှင်းရေးများ ဆောင်ရွက်လျက်ရှိရာ ယနေ့နံနက် (၇)နာရီက အထက(၃)၊ အလက(မြို့မ) ကျောင်းနှင့် အလက(ညောင်ကိုင်း)ကျောင်းတို့တွင် ဆောင်ရွက်ခဲ့ကြကြောင်း သိရသည်။
ထိုသို့ဆောင်ရွက်ရာတွင် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးညီညီလွင်နှင့် အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမြတ်ခိုင်ကိုနှင့် အဖွဲ့ဝင်မျာ၊ ခရိုင်/မြို့နယ်အဆင့်ဌာနဆိုင်ရာ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့မှ ဝန်ထမ်းများ၊ မိုးညှင်းတက္ကသိုလ်မှ ဝန်ထမ်းများ၊ ပညာရေးဌာနမှ ဆရာ/ဆရာမများနှင့် ဝန်ထမ်းများ၊ ရပ်ကွက်/ကျေးရွာများမှ အုပ်ချုပ်ရေးမှူးများတို့ပူးပေါင်း၍ စွန့်ပစ်အမှိုက်သရိုက်များ ရှင်းလင်းခြင်း၊ ရေစီးရေလာများ ကောင်းမွန်စေရေးအတွက် ရေမြောင်းများရှင်းလင်းခြင်း၊ သစ်ပင်ချုံနွယ်များနှင့် မြက်ပင်များ ခုတ်ထွင်ရှင်းလင်းခြင်းတို့ကို တပျော်တပါးဝိုင်းဝန်း၍ စုပေါင်းဆောင်ရွက်ခဲ့ကြကြောင်း သိရသည်။
သတင်း - ဇွဲသူရအောင်
မြန်မာနေရှင်နယ်ပို့စ်
No comments:
Post a Comment