MNP ၊ ဇွန် ၇
မွန်ပြည်နယ်၊ သထုံမြို့ နယ်တွင် အခြေခံပညာကျောင်းအသီးသီးတို့ရှိ အသက်(၅)နှစ်အထက် ကျောင်းသူ/သားများအား စာသင်ကျောင်းအခြေပြု ကိုဗစ်(၁၉)ရောဂါကာကွယ်ဆေးထိုးနှံခြင်းလုပ်ငန်းများကို ဆောင်ရွက်လျှက်ရှိရာ ယနေ့နံနက်က အခြေခံပညာကျောင်း(၇)ကျောင်းတို့၌ ကာကွယ်ဆေးထိုးနှံပေးခြင်းလုပ်ငန်းများကို ဆက်လက်ဆောင်ရွက်ခဲ့ကြကြောင်း သိရသည်။
ကာကွယ်ဆေးထိုးနှံရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးစံရင်မော်နှင့် အဖွဲ့ဝင်များ၊ မြို့နယ် ကိုဗစ်-၁၉ ရောဂါ ထိန်းချုပ်ကာကွယ်ရေးကော်မတီဝင်များတို့၏ စီစဉ်ကြီးကြပ်မှုဖြင့် ကျန်းမာရေးဝန်ထမ်းများ၊ စေတနာ့ဝန်ထမ်းများက အခြေခံပညာကျောင်း(၇)ကျောင်းတို့မှ အသက်(၅)နှစ်အထက် ကျောင်းသူ/သားများအား အဖွဲ့များခွဲ၍ ကာကွယ်ဆေးထိုးနှံပေးခဲ့ကြပြီး တာဝန်ရှိသူများက လိုအပ်သည်တို့ကို ဖြည့်ဆည်းဆောင်ရွက်ပေးခဲ့ကြသည်။
သထုံမြို့နယ်တွင် အခြေခံပညာကျောင်းပေါင်း ၁၈၀ ကျောင်းနှင့် ဘုန်းတော်ကြီးသင် ပညာရေးကျောင်း ၇ ကျောင်းရှိပြီး အသက်(၅)နှစ်အထက် ကျောင်းသူ/သားများအား စာသင်ကျောင်းအခြေပြု ကိုဗစ်-၁၉ ရောဂါ ကာကွယ်ဆေးထိုးနှံပေးခြင်းကို ဇွန်လ(၂)ရက်နေမှစတင်၍ ဆောင်ရွက်လျှက်ရှိကြောင်း သိရသည်။
သတင်း - နဒီ
https://t.me/MyanmarNationalPost
No comments:
Post a Comment