MNP - ဇွန် ၃၀
ရှမ်းပြည်နယ်(မြောက်ပိုင်း) လားရှိုးတက္ကသိုလ်၊ မိုးလုံလေလုံအားကစားရုံ၌ ယမန်နေ့မွန်းလွဲ (၂)နာရီအချိန်က လားရှိုးတက္ကသိုလ် ဘာသာရပ်ပေါင်းစုံ အမျိုးသားပိုက်ကျော်ခြင်းပြိုင်ပွဲ ဆုပေးပွဲအခမ်းအနား ကျင်းပခဲ့သည်။
လားရှိုးတက္ကသိုလ်ဘာသာရပ်ပေါင်းစုံ အမျိုးသားပိုက်ကျော်ခြင်းပြိုင်ပွဲကို အသင်း(၇)သင်း၊ ပါဝင်ယှဉ်ပြိုင်ခဲ့ကြပြီး ပြိုင်ပွဲအားဇွန်လ(၂၇)ရက်မှ စတင်ကျင်းပပြုလုပ်ခဲ့ကာ ဆုပေးပွဲအခမ်းအနား၌ လားရှိုးတက္ကသိုလ်ပါမောက္ခချုပ်၊ ဒေါက်တာဌေးအောင်က ပိုက်ကျော်ခြင်း(၂)ယောက်တွဲနှင့်(၃)ယောက်တွဲ ပထမရရှိသော ရုက္ခဗေဒဘာသာရပ် ကိုယ်စားပြုအသင်းအားတစ်ဦးခြင်း ဆုတံဆိပ်နှင့်ဒိုင်းဆုအားလည်းကောင်း၊ ဒုတိယရရှိသော ဘူမိဗေဒဘာသာရပ်ကိုယ်စားပြုအသင်းနှင့် ပြိုင်ပွဲတစ်လျှောက် ကူညီဆောင်ရွက်ပေးပါသော ဒိုင်အဖွဲ့၊ ကြက်ခြေနီတပ်ဖွဲ့တို့အား ဂုဏ်ပြုငွေများကို ဒုတိယပါမောက္ခချုပ်နှင့် တာဝန်ရှိသူများက ဆုများကိုအသီးသီးပေးအပ်ခဲ့ကြသည်။
သတင်း - ဟန်ဌေး
မြန်မာနေရှင်နယ်ပို့စ်
No comments:
Post a Comment