MNP - ဇွန် ၁၈
မိုးကုတ်မြို့နယ်တွင် ကိုဗစ်-၁၉ရောဂါ ကာကွယ်ဆေးများ ဆက်လက်ထိုးနှံပေးလျက်ရှိရာ ဆေးထိုးလိုသူများအား အသက်(၅)နှစ် နှင့်(၁၈)နှစ်အတွင်း လူငယ်များကို (Sinopharm/ Myancopharm/ Sinovac)ကိုဗစ်ကာကွယ်ဆေးထိုးပေးခြင်း၊ (၁၈)နှစ်နှင့်အထက် ပြည်သူများကို... (Astrazeneca/Covishield) ကိုဗစ်ကာကွယ်ဆေးများကို ပထမအကြိမ်နှင့် ဒုတိယအကြိမ်ထိုးပေးခြင်း၊ Coshield/ Sinopharm ကာကွယ်ဆေးနှစ်ကြိမ် ထိုးနှံမှု(၆)လ ပြည့်ပြီးသူများအား ကိုဗစ်-၁၉ ကာကွယ်ဆေး Booster Dose (Astrazeneca) ထိုးပေး ခြင်းများအား မိုးကုတ်မြို့၊ မဏိရတနာခန်းမနှင့် ကျပ်ပြင်ပတ္တမြားရတနာခန်းမတို့တွင် အပတ်စဉ် အင်္ဂါနေ့နှင့် ဗုဒ္ဓဟူးနေ့များတွင် နံနက် ၉ နာရီမှ ၁၁:၃၀ နာရီအတွင်း ထိုးနှံပေးလျက်ရှိကြောင်း သိရပါသည်၊၊
ကိုဗစ်-၁၉ရောဂါ ကာကွယ်ဆေးများ ထိုးနှံပေးရာတွင် သွေးတွင်းအောက်ဆီဂျင်နှင့် သွေးပေါင်ချိန် တိုင်းတာခြင်းများကို ကျန်းမာရေးဝန်ထမ်းများနှင့် မြို့နယ်ကြက်ခြေနီအသင်းတို့မှ ပူးပေါင်းဆောင်ရွက်ပေးပြီး၊ ကျန်းမာရေးကောင်းမွန်သူများအား ကိုဗစ်-၁၉ ရောဂါ ကာကွယ်ဆေးများကို စနစ်တကျ ထိုးနှံပေးလျက်ရှိကြောင်း မြို့နယ် ကိုဗစ်-၁၉ရောဂါ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေး အထောက်အကူပြုအဖွဲ့ထံမှ သိရှိရပါသည်။
သတင်း - နန်းခွာညိုနှင်း
မြန်မာနေရှင်နယ်ပို့စ်
No comments:
Post a Comment