MNP - ဇွန် ၁၂
ဧရာဝတီတိုင်းဒေသကြီး၊ ဟင်္သာတခရိုင်၊ ကြံခင်းမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန Community Centre ခန်းမတွင် ယမန်နေ့နေ့လည်ပိုင်းက ကလေးအလုပ်သမားပပျောက်ရေး အသိပညာပေး Talk Showကျင်းပခဲ့သည်။
ရှေးဦးစွာ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဒုတိယဦးစီးမှူး ဒေါ်မေသဉ္ဇာနှင်းမှ ကလေးအလုပ်သမားပပျောက်ရေး အသိပညာပေးTalk Show ကျင်းပရခြင်း၏ ရည်ရွယ်ချက်အား ရှင်းလင်းပြောကြားပြီးနောက် ကလေးအလုပ်သမားပပျောက်ရေးဆိုင်ရာ ဆောင်ရွက်ရမည့်အချက်များကို အသိပညာပေးဆွေးနွေးပါသည်။
ဆက်လက်ပြီး စာကြည့်တိုက်လက်ထောက်-၃ ဒေါ်မွန်ဇာဝင်းမှ ကလေးအလုပ်သမားပပျောက်ရေး ကြိုတင်ကာကွယ်တားဆီးရမည့်အချက်များ၊ ကလေးအလုပ်သမားပပျောက်ရေးဥပဒေနှင့် ပြစ်မှု၊ ပြစ်ဒဏ်များစတဲ့အချက်များအား အသိပညာပေးဆွေနွေးပါသည်။
ကြံခင်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာ Page များတွင် ပြည်သူများအသိပညာ ဗဟုသုတရရှိစေရန် လစဉ်ဌာနဆိုင်ရာများနှင့်ပူးပေါင်းပြီး Talk Show အစီအစဉ်များ၊ ဟောပြောပွဲ၊ ဆွေးနွေးပွဲများစသည့် အခြားအသိပညာဗဟုသုတရဖွယ်များအား ရိုက်ကူးလွှင့်တင်ဆောင်ရွက်ပေးလျက်ရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment