MNP - ဇွန် ၂၂
ဧရာဝတီတိုင်းဒေသကြီး၊ မြောင်းမြခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ၌ ယနေ့လူငယ်လူရွယ်များ မူးယစ်ဆေးဝါးအန္တရာယ်ကို သိရှိနိုင်စေရန်နှင့် ကြိုတင်ကာကွယ်နိုင်ရန် ရည်ရွယ်၍ ယနေ့နေ့လယ် (၂)နာရီအချိန်က မူးယစ်ဆေးဝါးအန္တရာယ် အသိပညာပေး ဟောပြောပွဲအား ကျင်းပပြုလုပ်ခဲ့ကြောင်း သိရသည်။
အဆိုပါ ဟောပြောပွဲတွင် မြောင်းမြခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူး ဒေါ်ခင်ရူပါအေးမှ မူးယစ်ဆေးဝါး၏ဆိုးကျိုးများ၊ မူယစ်ဆေးဝါးကြောင့် လူငယ်များ လမ်းမှားမရောက်စေရန်နှင့် မူးယစ်ဆေးဝါး၏ သားကောင်မဖြစ်စေရန် ရှောင်ကြဉ်ရမည့် နည်းလမ်းများအား အသိပညာ ဗဟုသုတရစေရန် ဟောပြောပေးခဲ့ကြောင်း သိရသည်။ အဆိုပါဟောပြောပွဲသို့ ကျောင်းသား/သူ(၂၀)ဦး တက်ရောက်ခဲ့ကြောင်း သိရသည်။ မြောင်းမြခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနသည် ကျောင်းသားလူငယ်များနှင့် အများပြည်သူ ဗဟုသုတရရှိစေမည့် ပြပွဲ၊ ပြိုင်ပွဲ၊ ဟောပြောပွဲများ၊ စာဖတ်ဝိုင်းများ၊ Talk Show များ၊ နံရံကပ်စာစောင်များကို လစဉ် စဉ်ဆက်မပြတ် ပြုလုပ်ဆောင်ရွက် လျက်ရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment