MNP ၊ ဇွန် ၂၁
မွန်ပြည်နယ် ပေါင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်တိုင်းရင်းဆေးကုဌာနတို့ ပူးပေါင်းကျင်းပပြုလုပ်သော တိုင်းရင်းဆေးပညာအကြောင်းသိကောင်းစရာများဆွေးနွေးပွဲ Talk Show ကို လူထုအခြေပြုဗဟိုဌာနခန်းမတွင် ယမန်နေ့ နံနက်ပိုင်းက ကျင်းပပြုလုပ်ခဲ့သည်။
အခမ်းအနားတွင် မြို့နယ်တိုင်းရင်းဆေးမှူး ဒေါ်ခင်မျိုးအေးက ဥတုရာသီသုံးပါးနှင့် ရာသီကူးပြောင်းစများတွင် ဖြစ်ပွားတတ်သည့် ရောဂါများအကြောင်း၊ ထုံနာကျဉ်နာဖြစ်ပွားတတ်မှုနှင့် အဖျားရောဂါဖြစ်ပွားလာပါက တိုင်းရင်းဆေးနည်းပညာဖြင့် ကုသနည်းများ၊ဆောင်ရန်/ရှောင်ရန်နည်းလမ်းများကိုလည်းကောင်း၊ ရာသီအလိုက်တွဲဖက်စားသုံးသင့်သော အစားအစာများ၊ အသက်ရှူလမ်းကြောင်းဆိုင်ရာရောဂါများထဲမှ ပန်းနာရင်ကြပ် အစရှိသော ရောဂါများ ဖြစ်ပွားလာပါက တိုင်းရင်းဆေးပညာ နှင့် ကုသဆောင်ရွက်ရမည့်နည်းလမ်းများတို့ကို အသေးစိတ် ဆွေးနွေးခဲ့ကြသည်။
ယင်းနောက် ပေါင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်တင်ဇာစိုးမှ ဌာနအနေနဲ့ ပြည်သူ့ဝန်ဆောင်မှုလုပ်ငန်းများ ဆောင်ရွက်နေမှုများနှင့် အသိပညာပေးနေမှုများ အစရှိသည်တို့ကို ဌာနဆိုင်ရာများ၊ လူမှုရေးအဖွဲ့များ၊ အရပ်ဖက်အဖွဲ့အစည်းများနှင့် ပူးပေါင်းဆောင်ရွက်နေမှု အခြေအနေများကို အသေးစိတ်ရှင်းလင်းပြောကြားခဲ့သည်။
သတင်း - မွန်မလေး
https://t.me/MyanmarNationalPost
No comments:
Post a Comment