MNP - သြဂုတ် ၉
မွန်ပြည်နယ် ဘီးလင်းမြို့နယ်၌ အသက် ၉ နှစ်မှ ၁၀ နှစ်အတွင်းရှိ ကျောင်းသူလေးများအား သားအိမ်ခေါင်းကင်ဆာ ကာကွယ်ဆေး ဒုတိယအကြိမ် ထိုးနှံပေးခြင်းကို ယမန်နေ့ နံနက်ပိုင်းက ဘီးလင်းမြို့နယ် မိခင်နှင့်ကလေးကျန်းမာရေးဌာန၌ ထိုးနှံပေးလျှက်ရှိကြောင်း သိရသည်။
အဆိုပါ သားအိမ်ခေါင်းကင်ဆာ ကာကွယ်ဆေး ထိုးနှံပေးခြင်းကို ဘီးလင်းမြို့နယ် မိခင်နှင့်ကလေး ကျန်းမာရေးဌာနမှ ဝန်ထမ်းများက နံနက် ၉ နာရီမှ မွန်းလွဲ ၁ နာရီအထိ ထိုးနှံပေးလျှက်ရှိရာ ယမန်နေ့တွင် သားအိမ်ခေါင်းကင်ဆာ ကာကွယ်ဆေး လာရောက်ထိုးနှံသူ (၉၇) ဦး ရှိကြောင်း သိရသည်။ အဆိုပါ ကာကွယ်ဆေး ထိုးနှံပေးခြင်းကို ယမန်နေ့မှ ၉ ရက်နေ့ အထိ ထိုးနှံပေးသွားမည်ဖြစ်ကြောင်း တာဝန်ရှိသူတစ်ဦးထံမှ သိရသည်။
သတင်း - ထူးနောင်
မြန်မာနေရှင်နယ်ပို့စ်
No comments:
Post a Comment