MNP - ဩဂုတ် ၃၀
မန္တလေးတိုင်းဒေသကြီး၊ ညောင်ဦးခရိုင်၊ ညောင်ဦမြို့နယ် စည်ပင်သာယာရေးအဖွဲ့ရုံးဌာန အသုံးပြုထားခြင်းအတွက်၊ ညောင်ဦးမြို့နယ် တောင်သူများလက်ဝယ်သို့ မြေယာလျော်ကြေးငွေ ပေးအပ်ပွဲအခမ်းအနားကို ယနေ့နံနက် ၉ နာရီအချိန်က ညောင်ဦးမြို့နယ်၊ အထွေထွေ အုပ်ချုပ်ရေးဦးစီးဌာန၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌရုံးခန်း၌ မြေယာလျော်ကြေးငွေ ပေးအပ်ပွဲအခမ်းအနားကျင်းပခဲ့ကြောင်း သိရသည်။
မြေယာလျော်ကြေးငွေ ပေးအပ်ပွဲအခမ်းအနားသို့ ညောင်ဦးမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးနန်းတင့်နှင့် မြို့နယ်လယ်ယာမြေစီမံခန့်ခွဲရေးအဖွဲ့၊ ညောင်ဦးမြို့နယ် စည်ပင်သာယာရေးအဖွဲ့ဝန်ထမ်းများ တက်ရောက်ကြပြီး အသုံးပြုထားမြေနေရာသည် ကုန်းတန်းကြီးကျေးရွာ အုပ်စု၊ သန့်စင်ကြယ်ကျေးရွာ၊ ကွင်းအမှတ် (၁၅၃၃)၊ တောင်ရှေ့ကွင်း၊ ဦးပိုင်အမှတ် (၂၃/၂) မြေဧက (၁.၇၁၈) မြေဧကအတွင်းမှ ဦးလှရွှေပိုင်ဆိုင်သောမြေ ကျပ်(၄၂,၆၂၅,၀၀၀/-) တိတိလျော် ကြေးပေးအပ်ခြင်း၊ ဦးတင်ကြည်ပိုင်ဆိုင်သော မြေ(ဝ.၄၁၈)ဧက၊ ကွင်းအမှတ် (၁၅၃၃)၊ တောင်ရှေ့ကွင်း၊ ဦးပိုင်အမှတ် (၂၃/၁) အတွက် မြေယာလျော်ကြေးငွေကျပ် (၅,၂၂၅,၀၀၀/-) တိတိပေးလျော်ခြင်း၊ ဦးမောင်ရင်ပိုင်ဆိုင်သော မြေ (ဝ.၆၁၈) ဧက၊ ကွင်းအမှတ် (၁၅၃၃)၊ တောင်ရှေ့ကွင်း၊ ဦးပိုင်အမှတ် (၂၃/၃) အတွက် မြေယာလျော်ကြေးငွေကျပ် (၇,၇၂၅,၀၀၀/-) တိတိအား ညောင်ဦးမြို့နယ် စီပင်သာယာရေးအဖွဲ့မှ မြို့နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနက သတ်မှတ်ပေးထားသည့် မြေယာလျော်ကြေးများကို အသိသက်သေများရှေ့မှောက်တွင် မြေယာလျော်ကြေးပေးအပ်ခဲ့ကြောင်း သိရသည်။
သတင်း - ကိုကြေးမုံ
မြန်မာနေရှင်နယ်ပို့စ်
No comments:
Post a Comment