MNP - ဩဂုတ် ၃၀
ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၌ မြို့နယ်အတွင်း ဖွံ့ဖြိုးစည်ပင်စေရန်အတွက် လိုအပ်လျက်ရှိသည့် ရပ်ကွက်များတွင် ပြည်ထောင်စုဘက်ဂျက်နှင့် တိုင်းဒေသကြီးဘက်ဂျက်ရန်ပုံငွေတို့ဖြင့် မြို့ရွာဖွံ့ဖြိုးရေး တိုးတက်စည်ပင်သာယာရေး လုပ်ငန်းများကို ဆောင်ရွက်ပေးလျက်ရှိသည်။
ထိုသို့ မြို့ရွာဖွံ့ဖြိုးရေး တိုးတက်စည်ပင်သာယာရေး လုပ်ငန်းများကို ဆောင်ရွက်ပေးရာတွင် အမှတ်(၃၇)ရပ်ကွက်ရှိ စုပေါင်းရုံးလမ်းအား ကွန်ကရိလမ်းခင်းခြင်းကို ယမန်နေ့နံနက်ပိုင်းတွင် စတင်ဆောင်ရွက်လျက်ရှိကြောင်း သိရသည်။
အဆိုပါ ကွန်ကရစ်လမ်းခင်းခြင်းလုပ်ငန်း ဆောင်ရွက်ရာတွင် စုပေါင်းရုံးလမ်း ၂၅၀၀’× ၁၈’× ၉” လမ်းကျယ်နှင့် ၂၅၀၀’× ၁၃’× ၆” လမ်းတို နှစ်လမ်းအတွက် တိုင်းဒေသကြီးဘက်ဂျက် ရန်ပုံငွေကျပ် ၁၇၆.၂၅၀ သန်း ခွင့်ပြုငွေဖြင့် ဆောင်ရွက်ခြင်းဖြစ်ကြောင်း သိရသည်။
သတင်း - မြင့်မြင့်ရီ
မြန်မာနေရှင်နယ်ပို့စ်
No comments:
Post a Comment