MNP ၊ ဩဂုတ် ၁ဝ
ရခိုင်ပြည်နယ်အစိုးရအဖွဲ့၏၂ဝ၂၂ ခုနှစ် ၊ မိုးရာသီ(ဒုတိယအကြိမ်) မြို့နယ်အဆင့် သစ်ပင်စိုက်ပျိုးပွဲ အခမ်းအနားကို စစ်တွေခရိုင် ၊ မင်းပြားမြို့နယ်၊ သစ်တောဦးစီးဌာနမှ စီစဉ်ကြီးကြပ်မှုဖြင့် ပေါက်တော-နတ်တောင်ပြင် သွား ကားလမ်းဘေး လည်ရိုးတော်ဓာတ်(ဓာတ်တောင်)ဘုရားအနီး၌ ယနေ့ နံနက် ၈ နာရီခွဲက ကျင်းပသည်။
အဆိုပါ မိုးရာသီသစ်ပင်စိုက်ပျိုးပွဲ ကျင်းပရာတွင် ပေါက်တောမြို့နယ် စီမံအုပ်ချုပ်ရေးအဖွဲ့ ဥက္ကဋ္ဌ ဦးဆန်းထွန်း ၊ မြို့နယ်စီမံအုပ်ချုပ်ရေးအဖွဲ့ ဗိုလ်မှူး အောင်ဇင်သန်း နှင့် အဖွဲ့ဝင်များ၊ မြို့နယ်အဆင့်ဌာနဆိုင်ရာများ ၊ မြို့နယ်သစ်တောဦးစီးဌာနမှ ဝန်ထမ်းများ ၊ ဘုရားဂေါပကအဖွဲ့ဝင်များ က မန်ဂျန်းရှား ၂ဝဝ၊ ခရေ ၅၀၊ ပိတောက် ၅၀၊ သပြေ ၅၀ စုစုပေါင်း ပျိုးပင် ၃၅၀ ကို စိုက်ပျိုးကြသည်။
ပေါက်တောမြို့နယ်အတွင်း ၂ဝ၂၂ခုနှစ် မိုးရာသီ သစ်ပင်စိုက်ပျိုးပွဲ မြို့နယ်အဆင့် နှစ်ပွဲ ၊ ပျိုးပင်ပေါင်း ၉၅၀ စိုက်ပျိုးပြီး ဖြစ်ကြောင်း မြို့နယ်သစ်တောဦးစီးဌာန မြို့နယ်တာဝန်ခံ ဦးသံခဲအောင်ထံမှ သိရသည်။
https://t.me/MyanmarNationalPost
No comments:
Post a Comment