MNP - ဩဂုတ် ၂၅
မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်အတွင်းရှိ အငြိမ်းစားနိုင်ငံဝန်ထမ်း ပင်စင်စားများအား မြန်မာ့စီးပွားရေးဘဏ်မှ ယမန်နေ့နံနက်က ပင်စင်လစာများ ဆက်လက်ထုတ်ပေးလျှက်ရှိကြောင်း သိရသည်။
မြို့သစ်မြို့နယ်အတွင်း ရပ်ကွက်နှင့်ကျေးရွာအုပ်စု (၅၂)အုပ်စုတို့မှ သက်ကြီးဘိုးဘွားနိုင်ငံဝန်ထမ်း အငြိမ်းစားပင်စင်စားစုစုပေါင်း (၁၂၁၂)ဦးရှိပြီး အုပ်စုများခွဲ၍ ကိုဗစ်-၁၉ရောဂါ ကာကွယ်ရေးစည်းကမ်းချက်များနှင့်အညီ လိုက်နာကာ နှာခေါင်းစည်းများတပ်ခြင်း၊ တုံကင်ပြားများဖြင့် အလှည့်ကျတန်းစီပြီး နိုင်ငံသားစိစစ်ရေးကဒ်ပြားများဖြင့် ဘဏ်ရုံးရှေ့တွင် သေချာစီစစ်ဆောင်ရွက်ကာ ထုတ်ပေးပြီး ထုတ်ယူရန်ကျန်ရှိနေသေးသည့် အငြိမ်းစားပင်စင်စားများအား စက်တင်ဘာလဆန်းတွင် ဆက်လက်ထုတ်ပေးသွားမည်ဖြစ်ကြောင်း မြန်မာ့စီးပွားရေးဘဏ်မန်နေဂျာထံမှ သိရှိရသည်။
သတင်း - သန်းဝင်းထွန်း
မြန်မာနေရှင်နယ်ပို့စ်
No comments:
Post a Comment