MNP - သြဂုတ် ၂၆
မန္တလေးတိုင်းဒေသကြီး၊ ကျောက်ဆည်ခရိုင်၊ စဉ့်ကိုင်မြို့နယ်တွင် ဒေသဖွံ့ဖြိုးတိုးတက်ရေးအတွက် ၂၀၂၃-၂၀၂၄ ဘဏ္ဍာနှစ်၊ စီမံကိန်းရေးဆွဲနိုင်ရေးလုပ်ငန်းညှိနှိုင်းအစည်းဝေးကို ယမန်နေ့ နံနက်(၉) နာရီက မြို့နယ်အထွေထွေအုပ်ချုပ်ရေးဦးစီးဌာန၊ အစည်းဝေးခန်းမတွင် ကျင်းပခဲ့ကြောင်း သိရသည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဗိုလ်အောင်မောင်မောင်က မိမိတို့ဒေသဖွံ့ဖြိုးတိုးတက်ရေးအတွက် သက်ဆိုင်ရာဌာနအလိုက်ဆောင်ရွက်သွားမည့် လုပ်ငန်းစီမံချက်များကို ဆွေးနွေးတင်ပြသွားကြရန် အမှာစကားပြောကြားပြီး မြို့နယ်စီမံကိန်းဦးစီးဌာန၊လက်ထောက်ညွှန်ကြားရေးမှူး ဒေါ်စိမ်းမြမြမော်က ၂၀၂၃-၂၀၂၄ ဘဏ္ဍာရေးနှစ်၊ စီမံကိန်းရေးဆွဲရေးလုပ်ငန်း ဆောင်ရွက်နေမှု အခြေ အနေများကို ရှင်းလင်းတင်ပြခဲ့သည်။
ဆက်လက်၍ ဒေသဖွံ့ဖြိုးတိုးတက်ရေးအတွက် အကောင်အထည်ဖော် ဆောင်ရွက်နေသည့် သက်ဆိုင်ရာဌာနများမှ ၂၀၂၂- ၂၀၂၃ ဘဏ္ဍာနှစ်၊ ဆောင်ရွက်ပြီးစီးမှုအခြေအနေများနှင့် ၂၀၂၃-၂၀၂၄ ဘဏ္ဍာနှစ်၊ ကျေးလက်ဒေသများတွင် လူမှုစီးပွားဘဝဖွံ့ဖြိုးတိုးတက်ရေးအတွက်လမ်း၊ တံတားများ၊ သောက်သုံးရေအတွက် သန့်စင်ရေရရှိရေး စိုက်ပျိုးရေးအတွက် ဆည်ရေသောက်ကျေးရွာများ ရေရရှိရေး၊ ကျောင်းများ အဆင့်မြှင့်တင်ရေး၊ လျှပ်စစ်မီးလင်းရေး၊ မြို့သန့်ရှင်းသာယာလှပရေး စသည့် ဒေသဖွံ့ဖြိုးတိုးတက်ရေး လုပ်ငန်းများကို အသီးသီးဆွေးနွေးတင်ပြခဲ့ကြပြီး မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌက စဉ့်ကိုင်မြို့နယ် ဘက်စုံဖွံ့ဖြိုးတိုးတက်ရေးအတွက် ဆွေးနွေးအကြံပြုခဲ့ကြောင်း သိရသည်။
သတင်း - ဝင်းဝင်းသန်း
မြန်မာနေရှင်နယ်ပို့စ်
No comments:
Post a Comment