MNP ၊ သြဂုတ် ၁၀
တနင်္သာရီတိုင်းဒေသကြီးအစားအသောက်နှင့်ဆေးဝါးကွပ်ကဲရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ အသိပညာပေးဟောပြောပွဲကို ယမန်နေ့နံနက်ပိုင်းက အမှတ်(၂)အခြေခံပညာအထက်တန်းကျောင်းခန်းမ၌ကျင်းပ ခဲ့ကြောင်း သိရသည်။
ဟောပြောပွဲတွင် အမှတ်(၂))အခြေခံပညာအထက်တန်းကျောင်းအုပ်ကြီး ဦးအောင်လွင်က ကျောင်းသူ၊ ကျောင်းသားအနေ ဖြင့် တာဝန်ရှိသူများ၏ဟောပြောချက်များကိုသိရှိလိုက်နာ၍ လေ့လာမှတ်သားစေလိုကြောင်းပြောကြားပြီး တိုင်းဒေသကြီး အစားအသောက်နှင့်ဆေးဝါးကွပ်ကဲရေးဦးစီးဌာနမှူး ဒေါ်မေသန်းနိုင် က အစား အသောက်နှင့် ဘေးကင်း စေရေး၊ ဆေးဝါး၊ ဆေးပစ္စည်း၊ လူသုံးကုန်နှင့်အလှကုန်များ ဘေးအန္တရာယ်ကင်းရှင်းစေရေး အကြောင်းအရာ များအား လည်းကောင်း၊ စားသုံးသူရေးရာဦးစီးဌာနမှ ဒေါ်ဇူးဇူးဇင်နိုင် က စားသုံးသူများလုံခြုံစိတ်ချမှုရရှိစေရေး၊ စားသုံးသူအခွင့် အရေး (၈)ချက် အား လည်းကောင်းအကျယ်တဝင့်ရှင်းလင်းဟောပြောခဲ့ကြသည်။
ထို့နောက် ကျောင်းသား/သူများက သိရှိလိုသည်များကိုမေးမြန်းရာ တာဝန်ရှိသူများက ပြန်လည်ဖြေကြားခဲ့ပြီး လက်သန့် ဆေးရည်ဘူးများနှင့် ဘောပင်များပေးအပ်ခဲ့ကြောင်းသတင်းရရှိသည်။
ရွှေပင်လယ်(ထားဝယ်)
https://t.me/MyanmarNationalPost
No comments:
Post a Comment