MNP ၊ သြဂုတ် ၂၆
ရခိုင်ပြည်နယ်၊ ပုဏ္ဏားကျွန်းမြို့နယ်အတွင်းရှိ နိုင်ငံ့ဝန်ထမ်းများကို ကိုဗစ်-၁၉ ရောဂါ ကာကွယ်ဆေး(၃)ကြိမ်ဆက်တိုက်ထိုးနှံပြီးစီးသူများအား စတုတ္ထအကြိမ်အဖြစ် ထပ်ဆောင်း (Covaxin) ဆေးအမျိုးအစားအား ဆက်လက် ထိုးနှံပေးခြင်းကို ယနေ့၊ နံနက်(၁၀)နာရီက ပုဏ္ဏားကျွန်းမြို့ လောကမာရဇိန် ဘုရားကြီးသိမ်တော်၌ ထိုးနှံပေးလျက်ရှိသည်။
ထိုသို့ ကာကွယ်ဆေးထိုးနှံပေးခြင်းကို မြို့နယ်စီမံအုပ်ချုပ်ရေးအဖွဲ့ ဥက္က ဦးလှရွှေ ကြီးကြပ်မှုဖြင့် မြို့နယ်ပြည်သူ့ကျန်းမာရေးဦးစီးဌာနမှူး ဒေါက်တာအောင်စစ်ထွန်း ဦးဆောင်သော ကျန်းမာရေးဝန်ထမ်းများက စတုတ္ထအကြိမ်အဖြစ် ကိုဗစ်-၁၉ ကာကွယ်ဆေးထိုးနှံရန် လာရောက်သူများကို ကာကွယ်ဆေးမထိုးနှံမှီ ကိုယ်အပူရှိန်တိုင်းတာခြင်း၊ သွေးပေါင်ချိန်တိုင်းတာပေးခြင်း၊ သွေးတွင်းအောက်ဆီဂျင်ပမာဏတိုင်းတာခြင်းနှင့် ကျန်းမာရေးစစ်ဆေးခြင်းများ ဆောင်ရွက်ပေးပြီး၊ ကျန်းမာရေးဝန်ကြီးဌာန၏ ကိုဗစ်-၁၉ ကာကွယ်ရေး ညွှန်ကြားချက်များနှင့်အညီ ယမန်နေ့က စတုတ္ထအကြိမ် (Covaxin)ထိုးနှံသည့် နိုင်ငံ့ဝန်ထမ်း ၂၀၆ ဦးနှင့် ထပ်ဆောင်း Booster ထိုးနှံသည့် ပြည်သူ ၂၇ ဦးတို့ကို ထိုးနှံပေးနိုင်ခဲ့ပြီး၊ ယနေ့တွင် ပညာရေးဝန်ထမ်းမိသားစုများအား ဆက်လက်ထိုးနှံပေးလျက်ရှိကြောင်း သိရသည်။
နီထွန်းအောင်
https://t.me/MyanmarNationalPost
No comments:
Post a Comment