MNP ၊ သြဂုတ် ၃၁
တနင်္သာရီတိုင်းဒေသကြီးအစိုးရအဖွဲ့ က ထားဝယ်ခရိုင်၊ သရက်ချောင်းမြို့နယ်အတွင်းရှိ သံဃာ(၂၅)ပါးအထက်ရှိ ဘုန်းတော်ကြီးကျောင်းတိုက်များတွင် လိုအပ်လျက်ရှိသော ဆန်အိတ်များနှင့်လှူဖွယ်ပစ္စည်းများကို ယနေ့နံနက်ပိုင်း တွင်ထောက်ပံ့ လှူဒါန်းခဲ့ကြောင်း သိရသည်။
ရှေးဦးစွာတိုင်းဒေသကြီးဝန်ကြီးချုပ်ဦးမြတ်ကို နှင့် တာဝန်ရှိသူများက မော်ရှည်ကုန်းကျေးရွာ မော်ရှည်ကုန်းကျောင်း တိုက်တွင် သံဃာ့(၅၂)ပါးတို့အတွက် ဆန်(၁၂)အိတ်၊ ဆီ(၅၂)ပုလင်း ၊ ပဲ (၄၄)ပိဿ တို့ကိုထောက်ပံ့လှူဒါန်းခဲ့ပြီး ဆရာတော်များထံမှဩဝါဒစကားနာယူကာ လှူဒါန်းမှုအစုစုတို့အတွက် ရေစက်သွန်းချအမျှပေးဝေ၍ တိုင်းဒေသကြီး ဝန်ကြီးချုပ် ဦးမြတ်ကို က ကျောင်းတွင်သီတင်းသုံးနေထိုင်သည့်ဆရာတော်များ၏ကျန်းမာရေးအခြေအနေများနှင့် နေထိုင်စားသောက်ရေး အခြေအနေများအားမေးမြန်းလျှောက်ထားသည်။
ထို့နောက် တိုင်းဒေသကြီးအစိုးရအဖွဲ့ က သရက်ချောင်းမြို့နယ်အတွင်းရှိ ရဟန်း/ သာမဏေ ၂၅ ပါးနှင့် အထက်ရှိ သောဘုန်းတော်ကြီးကျောင်း ၆ ကျောင်း တို့ရှိရဟန်း၊ သာမဏေ ၂၁၈ ပါး တို့အတွက် ဆန်(၄၉)အိတ်၊ ဆီ(၂၁၈) ပုလင်း ၊ ပဲ(၄၄)ပိဿ တို့ကိုဆက်လက်ထောက်ပံ့လှူဒါန်းပေးသွားမည်ဖြစ်ကြောင်း သတင်းရရှိသည်။
https://t.me/MyanmarNationalPost
No comments:
Post a Comment