MNP - စက်တင်ဘာ ၇
ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ်အတွင်းရှိ ကိုယ်ဝန်ဆောင်နှင့် နို့တိုက်မိခင်၊ ၎င်းတို့မှမွေးဖွားလာသော အသက်(၂)နှစ်အောက် ကလေးသူငယ် များအား ငွေကြေးထောက်ပံ့ခြင်းကို ယမန်နေ့ မွန်းလွဲ ၁ နာရီအချိန်ခန့်က အထွေထွေအုပ်ချုပ်ရေး ဦးစီးဌာနရုံးရှိ အေးချမ်းသာယာခန်းမ၌ ကျင်းပပြုလုပ်ခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ မြို့နယ်အုပ်ချုပ်ရေးမှူး ဦးစိုးဝင်း ကမိမိတို့ ရပ်ကွက်/ကျေးရွာများမှ ကိုယ်ဝန်ဆောင်မိခင်များနှင့် အသက်(၂)နှစ်အောက် ကလေးငယ်များလက်ဝယ်သို့အရောက် ပေးပို့ကြစေလိုကြောင်းပြောကြားပြီး၊ တိုင်းဒေသကြီးလူမှုဝန်ထမ်းဦးစီးဌာနမှ ဒုတိယညွှန်ကြားရေး ဒေါ်ခင်မေဦးက ကိုယ်ဝန်ဆောင် မိခင်များအား အာဟာရပြည့်ဝစေရေးနှင့် ကျန်းမာကြံ့ခိုင်သည့် ကလေးငယ်များ မွေးဖွားပေးနိုင်ရန် ယခုလိုထောက်ပံ့ပေးရခြင်းဖြစ်ကြောင်း ပြောကြားခဲ့သည်။
ဆက်လက်၍ လူမှုဝန်ထမ်းဦးစီးဌာန ဒုတိယဦးစီးမှူး ဒေါ်ခင်ဟေမာနိုင် က ယခု ၂၀၂၂-၂၀၂၃ ပထမသုံးလပတ် (ဧပြီ၊ မေ၊ ဇွန်) လများအတွက် ထောက်ပံ့ပေးခြင်းဖြစ်ကြောင်း ရှင်းလင်းပြောကြားပြီး၊ ကိုယ်ဝန်ဆောင်မိခင် (၆၈၉)ဦး၊ အသက်(၂)နှစ်အောက်ကလေး (၁၆၄၉)ဦး၊ စုစုပေါင်း (၂၃၃၈)ဦးအတွက် ငွေကျပ်(၉၉၉)သိန်းကျော်ကို ရပ်ကွက်/ကျေးရွာ (၂၆)အုပ်စုသို့ မြို့နယ်မှတာဝန်ရှိသူများက ထောက်ပံ့ပေးခဲ့ကြောင်း သိရသည်။
သတင်း - ဝင်းကြိုင်
မြန်မာနေရှင်နယ်ပို့စ်
No comments:
Post a Comment