MNP - စက်တင်ဘာ ၁၄
ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ အမျိုးသမီးငယ်ရွယ်သူများ အလုပ်အကိုင်အခွင့် အလမ်းရရှိရေးအတွက် ရည်ရွယ်ပြီး အသက်မွေးဝမ်းကျောင်း အထောက်အကူပြု အခြေခံ အိတ်ချုပ်သင်တန်းဆင်းပွဲကို ယမန်နေ့နံနက်(၁၀)နာရီအချိန်က ချောင်းဆုံမြို့နယ် ကျေးလက် ဒေသ ဖွံ့ဖြိုးတိုးတက်ရေးဦးစီးဌာနရုံးအစည်းအဝေးခန်းမတွင် ကျင်းပသည်။
အခမ်းအနားတွင် ပြည်နယ်(ကျေး/လက်)ဦးစီးဌာနမှ ညွှန်ကြားရေးမှူး ဦးဝင်းနိုင်မှ သင်တန်းတက်ရောက်ပြီးသည့်သူများအနေဖြင့် လက်တွေ့ဘဝတွင်လည်း သင်တန်းမှ ပို့ချသည့် သင်ခန်းစာများကို ပြန်လည်အသုံးချသွားရန် လိုအပ်ပြီး မိသားစုဝင်ငွေကို တပိုင်တနိုင် ထောက်ပံ့ပေးနိုင်ရန်လိုကြောင်း ပြောကြားပြီး ခရိုင်(ကျေး/လက်)ဦးစီးဌာန၊ လ/ထညွှန်ကြားရေးမှူး ဒေါ်မိုးမိုးဦးက သင်တန်းသူများအား သင်တန်းဆင်းလက်မှတ်များ ပေးအပ်သည်။ ထို့နောက် သင်တန်းဆရာမအား ဂါရဝလက်ဆောင်ပေးအပ်ပြီး သင်တန်းသူတစ်ဦးမှ ကျေးဇူးတင်စကားပြောကြားခဲ့သည်။ ထိုပြင် သင်တန်းကို နည်းပြ ဆရာမတစ်ဦးမှ သင်တန်းသူ(၁၅)ဦးအား သင်တန်းကာလ (၂၀)ရက်ကြာ ဖွင့်လှစ်သင်ကြား ပေးခဲ့ကြောင်း ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။
မြန်မာနေရှင်နယ်ပို့စ်
No comments:
Post a Comment