MNP ၊ စက်တင်ဘာ ၂၀
ရခိုင်ပြည်နယ်၊ စစ်တွေခရိုင်၊ ပေါက်တောမြို့နယ်၌ အသက်(၅)နှစ်မှအသက်(၉)နှစ်အတွင်းရှိကျောင်းသား/သူများအား ဂျပန်ဦးနှောက်ရောင် ရောဂါကာကွယ်ဆေး စတင်ထိုးနှံပေးခြင်းကို ယနေ့နံနက်(၁၀)နာရီက အ.ထ.က-ပေါက်တောကျောင်းခန်းမတွင် ထိုးနှံပေးလျက်ရှိကြောင်းသိရသည်။
အဆိုပါ ကာကွယ်ဆေးထိုးနှံပေးရာတွင် မြို့နယ်ပြည်သူ့ကျန်းမာရေးဝန်ထမ်းများက ကာကွယ်ဆေးထိုးနှံရန် လာရောက်ကြသည့် အသက်(၅)နှစ်မှအသက်(၉)နှစ်အတွင်းရှိ ကျောင်းသား/သူများအားသွေးပေါင်ချိန် တိုင်းတာပေးခြင်း၊ ကျန်းမာရေးစစ်ဆေးခြင်းများ ဆောင်ရွက်ပေးပြီး ဂျပန်ဦးနှောက်ရောင် ရောဂါ ကာကွယ်ဆေးကိုထိုးနှံပေးလျက်ရှိသည်။ ယနေ့တွင် ဂျပန်ဦးနှောက်ရောင်ရောဂါကာကွယ်ဆေးကို အ.ထ.က-ပေါက်တောကျောင်းမှ ကျောင်းသား/သူ စုစုပေါင်း(၂၅၃)ဦးတို့အား ထိုးနှံပေးနိုင်ခဲ့ပြီး ကျန်ရှိသောကျောင်းသား/သူများကို သတ်မှတ်ဆေးထိုးစုရပ်များတွင် ဆက်လက်ထိုးနှံပေးသွားမည်ဖြစ်ကြောင်း မြို့နယ်ပြည်သူ့ကျန်းမာရေးဦးစီးဌာနမှသိရသည်။
https://t.me/MyanmarNationalPost
No comments:
Post a Comment