MNP - စက်တင်ဘာ ၉
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်တွင် မြို့နယ် စီမံအုပ်ချုပ်ရေးအဖွဲ့ဥက္ကဋ္ဌနှင့် တာဝန်ရှိသူတို့သည် ယမန်နေ့ နံနက်ပိုင်းက မြို့နယ်အတွင်းရှိ ဒေသဖွံ့ဖြိုးရေးလုပ်ငန်းများကို ကွင်းဆင်းကြည့်ရှုစစ်ဆေးခဲ့သည်။
ကွင်းဆင်းကြည့်ရှုစစ်ဆေးရာတွင် ဆီဆိုင်မြို့နယ်၊ လွယ်ပွတ်ကျေးရွာအုပ်စု၌ ၂၀၂၂-၂၀၂၃ ဘဏ္ဍာရေးနှစ်၊ ပြည်ထောင်စုခွင့်ပြုရန်ပုံငွေ (၂၀၀.၁၈၈)ကျပ်သန်းဖြင့် အောင်ဆုပြည့်ကျော်ကုမ္ပဏီမှ တာဝန်ယူဆောင်ရွက်နေသည့် လွယ်ပွတ်ကျေးလက်ကျန်းမာရေးဌာန RC တစ်ထပ် အဆောက်အဦ သုံးလုံးနှင့်ဆက်စပ်လုပ်ငန်းများကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်ဆန်းဦးနှင့် အဖွဲ့ဝင်များ၊ မြို့နယ်ဆရာဝန်ကြီး ဒေါက်တာသန်းထွဋ်ဦး၊ မြို့နယ်လမ်းဦးစီးဌာနမှ ဦးစီးအရာရှိ (မြို့ပြ) ဦးဘစန်းလှနှင့်အငယ်တန်းအင်ဂျင်နီယာ-၂တို့က ကွင်းဆင်းကြည့်ရှုစစ်ဆေးပြီး လိုအပ် သည်များကို ကုမ္ပဏီဒါရိုက်တာအား လမ်းညွှန်မှာကြားခဲ့ကြောင်း သိရသည်။
ဆက်လက်၍ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် တာဝန်ရှိသူများသည် မြို့နယ်လယ်ယာမြေ စီမံခန့်ခွဲရေးနှင့်စာရင်းအင်းဦးစီးဌာနမှ ဦးစီးမှူး ဦးကျော်သူခိုင်တို့နှင့်အတူ ပါလောပါကယ် ကျေးရွာအုပ်စုတွင် မြေငှားဂရန် နှစ်ခုလျှောက်ထားလာမှုအား ကွင်းဆင်းကြည့်ရှုစစ်ဆေးပြီး နောင်အယ်ကျေးရွာရှိ နောင်အယ်-လောကဟိတပညာရေးကျောင်း သဲဗြုန်းလမ်းခင်း နိုင်ရေးအတွက် လမ်းတိုင်းတာခြင်းများအား ကွင်းဆင်းဆောင်ရွက်ခဲ့ကြောင်း သိရသည်။
သတင်း - မျိုးမြတ်
မြန်မာနေရှင်နယ်ပို့စ်
No comments:
Post a Comment