MNP - စက်တင်ဘာ ၂၅
ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့၌ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးနော်မိုင်လှကြည်နှင့်အဖွဲ့ဝင်များ၊ ဌာနဆိုင်ရာများ၊ စီးပွားရေးလုပ်ငန်းရှင်များနှင့် ရပ်ကျေးအုပ်ချုပ်ရေးမှူးများပူးပေါင်း၍ မြောင်းမြမြို့နယ်အထွေထွေအုပ်ချုပ်ရေးဦးစီးဌာနရုံးရှေ့၌ အခြေခံလူတန်းစား အိမ်ထောင်စုများအား ဆန်တစ်ပြည် ၁၀၀၀/-ကျပ်နှုန်း၊ ကြက်ဥတစ်လုံး ၁၅၀/-ကျပ်နှုန်း၊ ဆီ(၅၀)ကျပ်သား ၂၅၀၀/-နှုန်း၊ ဆား(၅၀)သား ၂၅၀/-နှုန်းဖြင့် ဈေးနှုန်းသက်သာစွာဖြင့် ရောင်းချပေးလျက်ရှိပြီး မီးသွေးမီးဖိုများကိုလည်း ကံစမ်းမဲဖောက်၍ အခမဲ့ပေးဝေနေကြောင်း သိရသည်။
ထိုသို့ရောင်းချပေးရာ၌ ယနေ့တွင် မြကန်သာရပ်ကွက်ရှိ အခြေခံလူတန်းစားအိမ်ထောင်စု(၅၂)စုနှင့် မြဟေမာရပ်ကွက်ရှိ အခြေခံလူတန်းစားအိမ်ထောင်စု(၃၂၀)စုတို့ကို ကျန်းမာရေးဝန်ကြီးဌာန၏ စည်းကမ်းချက်များနှင့်အညီ ရောင်းချခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment