MNP - စက်တင်ဘာ ၈
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်တွင် ကျေးရွာမြေငှား ဂရန်ပေးအပ်ရန် ကျန်ရှိသည့်တောင်သူများကို ယမန်နေ့ နံနက်ပိုင်းက နောင်ကျောကျေးရွာအုပ်စု၊ ဘုရားဖြူကျေးရွာခန်းမ၌ ပေးအပ်ခဲ့ကြောင်း သိရသည်။
ဆီဆိုင်မြို့နယ်၊ နောင်ကျောကျေးရွာအုပ်စု၌ ကျေးရွာမြေငှားဂရန်ရရှိသည့် တောင်သူ ၄၉၇ ဦးရှိပြီး ဇွန်လ ၁ ရက်နေ့တွင် တောင်သူ ၄၀၀ ဦးအား မြေငှားဂရန်များအား လက်ဝယ်အရောက် ပေးအပ်ပြီး ဖြစ်ရာ ပေးအပ်ရန်ကျန်ရှိသည့် တောင်သူ ၉၇ ဦးအား ကျေးရွာအုပ်စု အုပ်ချုပ်ရေးမှူးနှင့် တာဝန်ရှိသူများက စာရင်းများတိုက်ဆိုင်စစ်ဆေး၍ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးအောင်ဆန်းဦးနှင့် တာဝန်ရှိသူများက တောင်သူများထံသို့ ကျေးရွာမြေငှားဂရန်များအား လက်ဝယ်အရောက် ပေးအပ်ခဲ့ကြောင်း သိရသည်။
သတင်း - မျိုးမြတ်
မြန်မာနေရှင်နယ်ပို့စ်
No comments:
Post a Comment