MNP - စက်တင်ဘာ ၂၈
ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ ဒဂုံမြို့သစ်(တောင်ပိုင်း)မြို့နယ်အတွင်းရှိ သက်ကြီးဘိုးဘွားများအား နိုင်ငံတော်မှ ထောက်ပံ့ပေးအပ်သော ငွေသားများအား ယနေ့ မွန်းတည့် (၁၂:၀၀)အချိန်က ဘိုးဘွားများ၏ အိမ်တိုင်ရာရောက် လိုက်လံထောက်ပံ့ပေးအပ်ခဲ့ကြောင်း သိရသည်။
ရှေးဦးစွာ မြို့နယ်အတွင်းရှိ ဘိုးဘွားများ၏ ကျန်းမာရေး၊ လူမှုရေးနှင့်ဆေးဝါးများ ဝယ်ယူသုံးစွဲရာတွင် အဆင်ပြေစေရေးတို့အတွက် ရည်ရွယ်၍ ဘိုးဘွားတစ်ဦးလျှင် ငွေကျပ် သုံးသောင်းနှုန်းဖြင့် ဘိုးဘွား(၈၉၃)ဦးအား နိုင်ငံတော်မှ ပေးအပ်လှူဒါန်းခဲ့ခြင်းဖြစ်ပြီး ထို့သို့လှူဒါန်းငွေများအား သက်ဆိုင်ရာရပ်ကွက်အုပ်ချုပ်ရေးမှူးနှင့် တာဝန်ရှိသူများမှ ယခုလိုအိမ်တိုင်ရာရောက် လိုက်လံပေးအပ်ခဲ့ခြင်းဖြစ်ကြောင်း သိရသည်။
အဆိုပါထောက်ပံ့ပေးအပ်မှုများအား မြို့နယ်အတွင်းရှိ ဘိုးဘွားများထံသို့ ဆက်လက်လိုက်လံပေးအပ်လျက်ရှိကြောင်း သိရသည်။
သတင်း- သက်မင်းဟန်
မြန်မာနေရှင်နယ်ပို့စ်
No comments:
Post a Comment