MNP - စက်တင်ဘာ ၃၀
မကွေးတိုင်းဒေသကြီး မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့နှင့် အမျိုးသမီးရေးရာအဖွဲ့တို့ ပူးပေါင်း၍ နတ်မောက်မြို့ပြည်သူ့ဆေးရုံးကြီးတွင် ယမန်နေ့နံနက်(၁၀)နာရီအချိန်က ဆေးရုံတက်လူနာများအား အာဟာရအစားအစာများ ထောက်ပံ့ပေးခဲ့ကြောင်း သိရသည်။
အဆိုပါထောက်ပံ့ပေးရာသို့ မကွေးတိုင်းဒေသကြီး မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့နှင့် အမျိုးသမီးရေးရာအဖွဲ့ဥက္ကဋ္ဌနှင့်အဖွဲ့ဝင်များ၊ နတ်မောက်မြို့နယ် အမျိုးသမီးရေးရာနှင့်မိခင်ကလေး စောင့်ရှောက်ရေးဥက္ကဋ္ဌနှင့်အဖွဲ့ဝင်များတို့က ပြည်သူ့ဆေးရုံးကြီးအတွင်းရှိ ဆေးရုံတက်လူနာ(၄၈)ဦးတို့အား အာဟာရအစားအစာများဖြစ်သည့် ကြက်ဥ၊ ငှက်ပျောသီးနှင့်ထောက်ပံ့ငွေများကို လူနာတစ်ဦးချင်းစီ လိုက်လံပေးအပ်လှူဒါန်းခဲ့ကြောင်း သိရသည်။
သတင်း - လှဝင်း
မြန်မာနေရှင်နယ်ပို့စ်
No comments:
Post a Comment