MNP - စက်တင်ဘာ ၈
ဧရာဝတီတိုင်းဒေသကြီး၊ ပုသိမ်ခရိုင်၊ ကန်ကြီးထောင့်မြို့နယ်အတွင်း လုံခြုံရေး၊ တရားဥပဒေစိုးမိုးရေးနှင့် ရပ်ရွာအေးချမ်းသာယာရေးအတွက် မြို့နယ်အဆင့် ဌာနဆိုင်ရာ များပါဝင်သော စစ်ကြောင်းကြီး(၅)ကြောင်းကို အဖွဲ့များ ခွဲ၍ ဆောင်ရွက်လျှက်ရှိရာ စက်တင်ဘာလ ၇ ရက်နေ့ နံနက်တွင် အမှတ် ၂ ရပ်ကွက်ရှိ ဧရာသီရိသုခခန်းမ ၌ မြို့ပေါ် ရပ်ကွက်ရှိဒေသခံပြည်သူများနှင့်တွေ့ဆုံ၍ ဌာနဆိုင်ရာလုပ်ငန်းများအသိပညာပေး ဟောပြော ပွဲဆောင်ရွက်ခဲ့ကြောင်း သိရသည်။
အဆိုပါဒေသဖွံ့ဖြိုးရေးလုပ်ငန်းများအတွက် ဒေသခံပြည်သူများနှင့်တွေ့ဆုံရာတွင် မြို့နယ်စီမံအုပ်ချုပ်ရေးအဖွဲ့ အဖွဲ့ဝင် (၁) ဗိုလ်မှူး နိုင်လင်းအောင်နှင့် အဖွဲ့ဝင်များ၊ မြို့နယ် ရဲတပ်ဖွဲ့မှူး ရဲမှူး စိုးကြည် ၊ မြို့နယ် မီးသတ်ဦးစီးမှူး ဦးမျိုးမြင့်စိုး၊ မြို့နယ်လဝကဦးစီးမှူး ဦးကျော်ဆွေ၊ မြို့နယ်စည်ပင်သာယာရေး အမှုဆောင်အရာရှိ ဦးလှိုင်ဝင်းဟန် နှင့် မြို့နယ်အဆင့် ဌာနဆိုင်ရာမှတာဝန်ရှိသူများက ဧရာသီရိသုခခန်းမတွင် လုံခြုံရေး၊ ပညာရေး၊ စိုက်ပျိုးရေး အစရှိသည့် ဒေသဖွံ့ဖြိုးရေး လုပ်ငန်းများ နှင့်ပတ်သက်၍ ရှင်းလင်း ပြော ကြားပြီးနောက် မြို့ပေါ်ရပ်ကွက်နေပြည်သူများ၏တင်ပြချက်၊ လိုအပ်ချက်များကို သက်ဆိုင်ရာဌာနများက ပေါင်းစပ်ညှိနှိုင်း ဆောင်ရွက်ပေးခဲ့ကြောင်းသိရသည်။။
သတင်း - မဇင်
မြန်မာနေရှင်နယ်ပို့စ်
No comments:
Post a Comment