MNP - စက်တင်ဘာ ၇
ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့နယ် ရေနံတောင်ကျေးရွာတွင် အသက်(၁၈) နှစ်နှင့်အထက် ကိုဗစ်-၁၉ ရောဂါ ကာကွယ်ဆေး ပထမအကြိမ် ထိုးနှံပြီး (ဒုတိယ)အကြိမ် ထိုးနှံရန် ကျန်ရှိနေသော ရဟန်း၊ သံဃာ၊ ပြည်သူများကို စက်တင်ဘာလ ၅ ရက်နေ့ နံနက်ပိုင်းက ကြံခင်းမြို့နယ် ရေနံတောင်ကျေးရွာအုပ်စု အုပ်ချုပ်ရေးမှူးရုံး ဆေးထိုးစုရပ်တွင် ထိုးနှံပေးလျက်ရှိ ကြောင်း သိရသည်။
ရေနံတောင်ကျေးရွာအုပ်စုတွင် ကိုဗစ်-၁၉ ရောဂါ ကာကွယ်ဆေး ဒုတိယအကြိမ်ထိုးနှံရန် ကျန်ရှိနေသော အသက်(၁၈)နှစ်နှင့်အထက် ရဟန်း၊ သံဃာ၊ ပြည်သူ(၁၇)ဦးအား ကိုဗစ်-၁၉ ရောဂါ ကာကွယ်ဆေး (Sinopharm) ထိုးနှံပေးခြင်းကို ကိုဗစ်-၁၉ ရောဂါ ကာကွယ်ရေး စည်းကမ်းချက်များနှင့် အညီ ထိုးနှံပေး နိုင်ရေးအတွက် စိစစ်ကြီးကြပ်ရေး တာဝန်ကျ မြို့နယ်ဌာနဆိုင်ရာ ဝန်ထမ်း များနှင့် သက်ဆိုင်ရာ ကျန်းမာရေးမှ တာဝန်ရှိသူများ၊ ရပ်ကွက်အုပ်ချုပ်ရေးမှူးနှင့် တာဝန်ရှိသူများ ပူးပေါင်း၍ ကာကွယ်ဆေးထိုး ပြီးပါက ဘေးထွက် ဆိုးကျိုးလက္ခဏာများ ဖြစ်ပေါ်ပါက ချက်ချင်းကုသပေးနိုင်ရေးအတွက် ကြည့်ရှုစောင့်ကြပ်ဆောင်ရွက်ပေးခဲ့ကြ ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment