MNP - စက်တင်ဘာ ၈
မကွေးတိုင်းဒေသကြီး၊ ပခုက္ကူခရိုင်၊ မြိုင်မြို့တွင် ရပ်ရွာအခြေပြုလူကုန်ကူးမှု စိစစ်ဖော်ထုတ်ရေးအဖွဲ့ဝင်များအား ယမန်နေ့ နံနက် ၁၀ နာရီအချိန်က မြို့နယ်အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင် သင်တန်းပို့ချသည်။
အဆိုပါသင်တန်းဖွင့်ပွဲတွင် အထွေထွေအုပ်ချုပ်ရေးဦးစီးဌာန ဒုတိယမြို့နယ်အုပ်ချုပ်ရေးမှူး ဦးသန့်ဇော်ဦးက အဖွင့်အမှာစကားပြောကြားသည်။ သင်တန်းတွင် သင်တန်းနည်းပြ ဒုတိယရဲမှူး မျိုးဝင်းက လူကုန်ကူးမှုတားဆီးနှိမ်နင်းရေး ဥပဒေ၊ နိုင်ငံတကာနှင့်မြန်မာနိုင်ငံတွင်ဖြစ်ပေါ်နေသော လူကုန်ကူးမှုအခြေအနေများ၊ လူကုန်ကူးမှုစိစစ်ဖော်ထုတ်သည့် မှတ်တမ်းပုံစံဖြည့်သွင်းမှု သင်ခန်းစာများကို စက်တင်ဘာ၇ ရက်နေ့မှ ၉ ရက်နေ့အထိ သင်တန်းကာလ (၃) ရက်ကြာ ပို့ချသွားမှာဖြစ်ပြီး အဆိုပါသင်တန်းသို့ သင်တန်းသား ၃၀ ဦးတက်ရောက်ကြောင်း သိရသည်။
သတင်း - သူရိန်
မြန်မာနေရှင်နယ်ပို့စ်
No comments:
Post a Comment