MNP - စက်တင်ဘာ ၃၀
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရန်ကုန်တိုင်းဒေသကြီး သန်လျင်ခရိုင်၊ ခရမ်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံး၌ ၂၀၂၂-၂၀၂၃ ဘဏ္ဍာနှစ်တွင် ကျေးလက်နေလူငယ်များ ခေတ်နှင့်လျော်ညီစွာ အခြေခံကွန်ပျူတာနည်းပညာများ တတ်မြောက်စေရန်ရည်ရွယ်၍ ဖွင့်လှစ်ခဲ့သည့် အသက်မွေးဝမ်းကျောင်း အထောက်အကူပြု အခြေခံကွန်ပျူတာသင်တန်းဆင်းပွဲကို ယမန်နေ့မွန်းလွဲ ၁ နာရီကကျင်းပခဲ့ကြောင်းသိရှိရသည်။
အခမ်းအနားတွင် သန်လျင်ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ ခရိုင်ဦးစီးမှူးဒေါ်အေးအေးကြူ၊ ခရမ်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ မြို့နယ်ဦးစီးမှူးဒေါ်ထားထားနိုင်တို့က သင်တန်းဆင်းအမှာစကားပြောကြားခဲ့ပြီး သင်တန်းသား၊ သင်တန်းသူများအား သင်တန်းဆင်းလက်မှတ်များပေးခဲ့ကြောင်း သိရှိရသည်။
အဆိုပါသင်တန်းတွင်သင်တန်းနည်းပြများက သင်တန်းသား၊ သင်တန်းသူ ၂၀ ဦးအား အခြေခံကွန်ပျူတာနည်းပညာများကို စာတွေ့လက်တွေ့တစ်လကြာသင်တန်းပို့ချ ပေးအပ်ခဲ့ကြောင်းသိရှိရသည်။
သတင်း - ကိုမင်း
မြန်မာနေရှင်နယ်ပို့စ်
No comments:
Post a Comment