MNP ၊ စက်တင်ဘာ ၇
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်တွင် ပအိုဝ်းကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့ဥက္ကဋ္ဌ ဦးခွန်ရဲထွေးနှင့်အဖွဲ့ဝင်များ၊ မြို့နယ် စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်တို့သည် ယမန်နေ့က မြို့နယ်အတွင်းရှိ ဒေသဖွံ့ဖြိုးရေး လုပ်ငန်းများအား ကွင်းဆင်းကြည့်ရှုစစ်ဆေးခဲ့သည်။
ပအိုဝ်းကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့ဥက္ကဋ္ဌ ဦးခွန်ရဲထွေးနှင့်အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်ဆန်းဦးနှင့်အဖွဲ့ဝင်များ၊ မြို့နယ်ဖွံ့ဖြိုးမှုကြီးကြပ်ရေးရုံးမှ လက်ထောက်ညွှန်ကြားရေးမှူး ဦးညီညီလွင်တို့သည် နားသံကျေးရွာအုပ်စု၊ ဖက်နံကျေးရွာရှိ အခြေခံမူလတန်းလွန်ကျောင်းနှင့် နားခိုက်ကျေးရွာအုပ်စု၊ ထမ့်ယမ်းကျေးရွာရှိ အခြေခံပညာ အထက်တန်းကျောင်းတို့၌ အန္တရာယ်ရှိသည့်ကျောင်းဆောင်အား ကြည့်ရှုစစ်ဆေးပြီး ကျောင်းအုပ်ကြီးနှင့်ကျောင်းကော်မတီဝင်များအားတွေ့ဆုံ၍ လိုအပ်သည်များကို ရှင်းလင်း ဆွေးနွေးခဲ့သည်။
ထို့နောက် ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ဥက္ကဋ္ဌ နှင့်အဖွဲ့ဝင်တို့သည် နားခိုက်ကျေးရွာအုပ်စု၊ ထမ့်ယမ်းကျေးရွာမှ ဘန့်ဗွီးကျေးရွာအုပ်စု၊ နောင်တဘန်ကျေးရွာအထိ မြေသားလမ်း(၄)မိုင်ခန့် ဖောက်လုပ်နိုင်ရေးအတွက် ခြေလျင်ခရီးဖြင့် ကွင်းဆင်းကြည့်ရှုစစ်ဆေးပြီး လိုအပ်သည်များကို ရှင်းလင်းဆွေးနွေးခဲ့ကြောင်း သိရသည်။
မျိုးမြတ်(ဆီဆိုင်)
https://t.me/MyanmarNationalPost
No comments:
Post a Comment