MNP - စက်တင်ဘာ ၂၉
ကချင်ပြည်နယ်၊ မိုးညှင်းခရိုင်၊ မိုးညှင်းမြို့တွင် ခရိုင်/မြို့နယ်ဌာနဆိုင်ရာများ (၉/၂၀၂၂)လအတွက် လုပ်ငန်း ညှိနှိုင်းအစည်းအဝေးကို ယမန်နေ့ နံနက် (၁၀)နာရီက စုပေါင်းရုံးရှိ ခရိုင်အထွေထွေ အုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပသည်။
ရှေးဦးစွာ အစည်းအဝေးတွင် ခရိုင်အုပ်ချုပ်ရေးမှူး ဦးညီညီလွင်က ကိုဗစ်-၁၉ ရောဂါ ကာကွယ်ဆေး ထိုးနှံရာတွင် ကျန်ရှိနေသေးသူများအား အကြိမ်နှုန်းပြည့် ဆက်လက်ထိုးနှံနိုင်ရေးနှင့် ရောဂါကူးစက် ပြန့်ပွားမှု ကြိုတင်ကာကွယ်နိုင်ရေး နှာခေါင်းစည်းများ မဖြစ်မနေတပ်ဆင် သွားလာကြရန်၊ အိုးအိမ်ဌာနမှ ဆောက်လုပ် ထားသည့် ဝန်ထမ်းအိမ်ယာများတွင် နယ်ဝေးမှလာရောက် တာဝန်ထမ်းဆောင်သည့် အရာထမ်း/အမှုထမ်း များကို ဦးစားပေးအနေဖြင့် နေထိုင်ခွင့်ပြုသွားရန်၊ မြို့နယ်များမှ ဌာနဆိုင်ရာများ စနေနေ့တိုင်း စုပေါင်း သန့်ရှင်းရေးဆောင်ရွက်သွားရန်၊ နိုင်ငံ့စီးပွားမြှင့်တင် ရေးလုပ်ငန်းတွင် မြို့နယ်အလိုက် ခွင့်ပြုရန်ပုံငွေများဖြင့် အကောင်အထည်ဖော်ဆောင်ရွက်နိုင်ရေးနှင့် ဝန်ထမ်းများ၊ ရုံးများလုံခြုံမှု အထူးဂရုပြုကြ ရန် ပြောကြားသည်။
ထို့နောက် အစည်းအဝေးသို့ တက်ရောက်လာကြသည့် ခရိုင်/မြို့နယ်ဌာနဆိုင်ရာများမှ သက်ဆိုင်ရာလုပ်ငန်း ကဏ္ဍများအလိုက် ဆောင်ရွက်ထားရှိမှုအခြေအနေများနှင့် ဆောင်ရွက်ရမည့် လုပ်ငန်းအခြေအနေများကို သက်ဆိုင်ရာဌာနများမှ အသီးသီးဆွေးနွေးတင်ပြကြရာ ခရိုင်အုပ်ချုပ်ရေးမှူးက လိုအပ်သည်များကို တာဝန်ရှိသူ များနှင့် ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment