MNP - စက်တင်ဘာ ၁၀
စစ်ကိုင်းတိုင်းဒေသကြီး ရွှေဘိုခရိုင် ရွှေဘိုမြို့၌ ပြည်သူများလူမှုဘဝ စားသောက်ရေးတွင် အထောက်အကူဖြစ်စေရန်နှင့် အခြေခံစားသောက်ကုန်များကို ဈေးနှုန်းချိုသာစွာဖြင့် ဝယ်ယူနိုင်စေရန်ရည်ရွယ်၍ ပြည်သူများထံ လက်ဝယ်အရောက် ဈေးနှုန်းချိုသာစွာဖြင့် အခြေခံစားသောက်ကုန်များ ရောင်းချပေးခြင်းကို ယမန်နေ့ညနေ ၃နာရီချိန်က အမှတ်(၁)ရပ်ကွက်ရှိ ဘူတာရုံတွင် ရောင်းချပေးခဲ့ကြောင်း သိရသည်။
စစ်ကိုင်းတိုင်းဒေသကြီအစိုးရအဖွဲ့၏ လမ်းညွှန်မှု၊ ရွှေဘိုခရိုင် စီမံအုပ်ချုပ်ရေးအဖွဲ့၏ ကြီးကြပ်မှုဖြင့် ရွှေဘိုမြို့နယ်စီမံအုပ်ချုပ်ရေးအဖွဲ့ ဥက္ကဋ္ဌနှင့် ရောင်းချရေးအဖွဲ့ဝင်များ မြို့နယ် အထွေထွေအုပ်ချုပ်ရေး ဦးစီးဌာနမှ ဝန်ထမ်းများက ပြည်သူတစ်ဦးလျှင် ဆန်တစ်ပြည်၊ ကြက်ဥ(၅)လုံး၊ ဆီတစ်ဆယ်သား၊ ကြက်သွန်နီ (၂၅)ကျပ်သား၊ အာလူး(၂၅)ကျပ်သားတို့ကို ကျပ်၃၅၀၀ဖြင့်၊ ရပ်ကွက်နေပြည်သူ (၄၀၀)ဦးတို့ကို ရောင်းချပေးခဲ့ကြောင်း ဆက်လက်၍ ရပ်ကွက်အလိုက်တစ်ပတ်လျှင် နှစ်ရက်ရောင်းချပေးသွားမည်ဖြစ်ကြောင်း သိရှိရသည်။
ထိုသို့ ရောင်းချရာတွင် ကိုဗစ်-၁၉ ရောဂါဆိုင်ရာ ညွှန်ကြားချက်များနှင့်အညီ ဖြစ်စေရေး (Mask)များ အခမဲ့ဖြန့်ဝေပေးခဲ့ပြီး၊ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးဦးနှင့်အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်မျိုးဝင်းနှင့် အဖွဲ့ဝင်များ၊ ခရိုင်/မြို့နယ်အမျိုးသမီးရေးရာဥက္ကဋ္ဌနှင့် အဖွဲ့ဝင်များ တာဝန်ရှိသူများက ပြည်သူများဝယ်ယူနေသည်များကို အဆင်ပြေစေရန် ကူညီဆောင်ရွက်ပေးခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment