MNP - စက်တင်ဘာ ၈
ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့တွင် "ကျောင်းနေအရွယ်ကလေးတိုင်း ကျန်းမာပျော်ရွှင်စွာ ပညာသင်ကြားနိုင်ဖို့ ကိုဗစ်-၁၉ ရောဂါ ကာကွယ်ဆေးထိုးကြစို့" ဆောင်ပုဒ်နှင့်အညီ အသက်(၁၂)နှစ်နှင့် အထက် ကျောင်းသား၊ ကျောင်းသူများအား ကိုဗစ်-၁၉ ရောဂါ ကာကွယ်ဆေး ဒုတိယအကြိမ် ထိုးနှံပေးခြင်းကို စက်တင်ဘာ ၆ ရက်နေ့ နံနက်ပိုင်းက အမှတ်(၁) အခြေခံပညာအထက်တန်းကျောင်း အောင်ကျော်ခန်းမ ဆေးထိုးစုရပ်တွင် ထိုးနှံပေး ကြောင်း သိရသည်။
ထိုသို့ထိုးနှံပေးရာတွင် အမှတ်(၁)အခြေခံပညာ အထက်တန်းကျောင်းရှိ အလယ်တန်းဆင့် ကျောင်းသား၊ ကျောင်းသူ(၄၇၁)ဦးနှင့် အထက်တန်းဆင့် ကျောင်းသား၊ ကျောင်းသူ(၂၀၃)ဦးတို့အား ထိုးနှံပေးကြောင်း ပညာရေးဌာနမှ တာဝန်ရှိသူထံက သိရသည်။
အဆိုပါ ဆေးထိုးစုရပ်တွင် မြို့နယ်အဆင့်ဌာနဆိုင်ရာ စိစစ်ကြီးကြပ်ရေးအဖွဲ့များ၊ ကျန်းမာရေး ဝန်ထမ်းများ၊ (အထက-၁) ကျောင်းမှ ကျောင်းအုပ်ဆရာမကြီးနှင့် ဆရာ၊ ဆရာမများက ဆေးမထိုးမီ ကျန်းမာရေးစစ်ဆေးမှု များ ဆောင်ရွက်ခြင်း၊ ကာကွယ်ဆေးထိုးပြီးပါက ဓာတ်မတည့်ခြင်း၊ ဘေးထွက်ဆိုးကျိုးလက္ခဏာများ ဖြစ်ပေါ် လျှင် ချက်ချင်းကုသပေးနိုင်ရေး ပူးပေါင်းဆောင်ရွက်ကြကြောင်း သိရသည်။
မြန်မာနေရှင်နယ်ပို့စ်
No comments:
Post a Comment