MNP - စက်တင်ဘာ ၆
မကွေးတိုင်းဒေသကြီး၊ အောင်လံခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန (Community Centre) ခန်းမ၌ ပြန်ကြားရေးဝန်ကြီးဌာန ဒုတိယဝန်ကြီး ဦးရဲတင့်က အောင်လံခရိုင်ရုံးရှိ ဝန်ထမ်းများနှင့် ယနေ့နံနက် ၈ နာရီတွင်တွေ့ဆုံ၍ လမ်းညွှန်အမှာစကား ပြောကြားခဲ့သည်။
ရှေးဦးစွာ ပြန်ကြားရေးဝန်ကြီးဌာန၊ ဒုတိယဝန်ကြီး ဦးရဲတင့်က ဝန်ထမ်းများ ဝန်ထမ်းကျင့်ဝတ် စည်းမျဉ်း၊ စည်းကမ်းများအား လိုက်နာဆောင်ရွက်ရန်၊ ပြည်သူလူထုအား အသိပညာပေးခြင်း လုပ်ငန်းများကို သက်ဆိုင်ရာဌာနဆိုင်ရာများနှင့်ပူးပေါင်း၍ ကျယ်ကျယ်ပြန့်ပြန့် ဆောင်ရွက်ရန်၊ နိုင်ငံ့ဝန်ထမ်းများ အနေဖြင့် အကျိုးခံစားခွင့်ရှိသည့် အကြောင်းအရာများကို ရှင်းလင်းပြောကြား ခဲ့ကြောင်း သိရသည်။
သတင်း - မျိုးသိန်း
မြန်မာနေရှင်နယ်ပို့စ်
No comments:
Post a Comment