MNP - စက်တင်ဘာ ၆
ရှမ်းပြည်နယ်(အရှေ့ပိုင်း)၊ ကျိုင်းတုံခရိုင်အဆင့် (၂၃) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲနှင့် ဆုချီးမြှင့်ပွဲကို စက်တင်ဘာ ယမန်နေ့ နံနက် ၉ နာရီခွဲ က မြို့နယ် စည်ပင်သာယာခန်းမ၌ ကျင်းပသည်။
အဆိုပါပြိုင်ပွဲသို့ ကျိုင်းတုံခရိုင်အတွင်းရှိ တက္ကသိုလ်ကျောင်းများ၊ အခြေခံပညာကျောင်းများမှ ကျောင်းသား၊ ကျောင်းသူများနှင့် အဆိုဝါသနာရှင်များက အက(အမျိုးသား) အဆင့်မြင့်ပညာ အဆင့်ပြိုင်ပွဲ၊ ကဗျာလွတ် (၁၆)ဦး ယိမ်းအကပြိုင်ပွဲ၊ အဖွဲ့လိုက်(အမျိုးသား ၅ ဦး) အိုးစည်ပြိုင်ပွဲ၊ အဖွဲ့လိုက်(အမျိုးသား ၆ ဦး) ဒိုးပတ်ပြိုင်ပွဲနှင့် သီချင်း(ဝါသနာရှင်ဒုတိယတန်း) ခေတ်ဟောင်း ကာလပေါ် ပြိုင်ပွဲများကို ပါဝင်ယှဉ်ပြိုင်ခဲ့ကြပြီး ဆုရရှိသူများအား ကျိုင်းတုံခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးဝင်းမင်းသိန်း၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးလှိုင်းမောင်မောင်နှင့် တာဝန်ရှိသူများက ဆုများအသီးသီး ပေးအပ်ချီးမြှင့်ခဲ့ကြကြောင်း သိရသည်။
သတင်း - အောင်ဇင်မြင့်
မြန်မာနေရှင်နယ်ပို့စ်
No comments:
Post a Comment