MNP - စက်တင်ဘာ ၃
ပဲခူးတိုင်းဒေသကြီး၊ ၂၀၂၂ ခုနှစ်၊ (၂၃)ကြိမ်မြောက်မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ(တိုင်းအဆင့်) ဒုတိယနေ့အဖြစ် ယမန်နေ့ နံနက် ၉ နာရီမှစတင်၍ ပဲခူးမြို့ မြို့တော်ခန်းမ၊ သီရိဟံသာခန်းမ၊ သာသနာ့ဗိမ္မာန်စသည့်သတ်မှတ်နေရာများ၌ ဆက်လက်ကျင်းပခဲ့သည်။
ရှေးဦးစွာ တိုင်းဒေသကြီးဝန်ကြီးချုပ်ဦးမျိုးဆွေဝင်းနှင့်အစိုးရအဖွဲ့ဝင်များသည် အရေး၊ အတီး ပြိုင်ပွဲကျင်းပသည့် သီရိဟံသာခန်းမတွင် အတီးပြိုင်ပွဲဝင်များ၏ယှဉ်ပြိုင်နေမှုကိုလည်းလည်းကောင်း၊ အဆိုပြိုင်ပွဲ ကျင်းပရာ သာသနာ့ဗိမ္မာန်တွင် အဆိုပြိုင်ပွဲဝင်များ၏ ယှဉ်ပြိုင်နေမှုကိုလည်းကောင်း၊ မြို့တော်ခန်းမတွင် အကပြိုင်ပွဲဝင်များ၏ ယှဉ်ပြိုင်နေမှုများကို ကြည့်ရှုအားပေးခဲ့ကြသည်။
အဆိုပါ(၂၃)ကြိမ်မြောက် မြန်မာ့ရိုးရာယဉ်ကျေးမှုအဆို အက၊ အရေး၊ အတီးပြိုင်ပွဲကို တိုင်းဒေသကြီးဝန်ကြီးချုပ် ဦးမျိုးဆွေဝင်း၊ တိုင်းဒေသကြီးဝန်ကြီးများ၊ ပြိုင်ပွဲကျင်းပရေးဦးစီးကော်မတီဥက္ကဋ္ဌ တိုင်းဒေသကြီးဥပဒေချုပ် ဦးခင်မောင်တင့်၊ တိုင်း၊ ခရိုင်၊ မြို့နယ်အဆင့်ဌာနဆိုင်ရာ တာဝန်ရှိသူများ၊ ပြိုင်ပွဲကျင်းပရေးဦးစီးကော်မတီဆပ်ကော်မတီအသီးသီးတို့မှ ကော်မတီဝင်များ၊ ပြိုင်ပွဲဝင် မျိုးဆက်သစ်များနှင့် မိသားစုဝင်များ၊ အနုပညာချစ်မြတ်နိုးသူများက ကြည့်ရှုအားပေးခဲ့ကြပြီး တိုင်းဒေသကြီးဝန်ကြီးချုပ်နှင့်အဖွဲ့သည် ပြိုင်ပွဲဝင်များနှင့် ပြိုင်ပွဲအကဲဖြတ် ပညာရှင်ဒိုင်အဖွဲ့အား ရင်းရင်းနှီးနှီး လိုက်လံနှုတ်ဆက် အားပေးခဲ့ကြောင်း သတင်းရရှိသည်။
သတင်း - သက်ဖြိုးကြိုင်
မြန်မာနေရှင်နယ်ပို့စ်
No comments:
Post a Comment