MNP - စက်တင်ဘာ ၂၂
တနင်္သာရီတိုင်းဒေသကြီး ပုလောမြို့နယ်၌ အသက်(၁၂)နှစ်မှ(၁၈)နှစ်အကြားရှိ ကိုဗစ်-၁၉ရောဂါ ကာကွယ်ဆေး (ပထမ)အကြိမ် ထိုးနှံပြီး ကျောင်းသူ/သားများအား ကိုဗစ်-၁၉ရောဂါကာကွယ်ဆေး (ဒုတိယ) အကြိမ်ဖြင့် ယမန်နေ့နေ့လယ် ၁ နာရီက အမှတ်(၂) အခြေခံပညာအလယ်တန်းကျောင်း၌ ထိုးနှံပေးခဲ့ကြောင်း သိရှိရသည်။
အဆိုပါကျောင်းတွင် ပညာသင်ကြားလျက်ရှိသော ကျောင်းသူ/သားများ အကြောင်းအမျိုးမျိုးကြောင့် ကိုဗစ်-၁၉ ရောဂါကာကွယ်ဆေးထိုးနှံရန်ကျန်ရှိသူ ၃၀၀ ဦးကို ဒုတိယအကြိမ် ထိုးနှံပေးခြင်းဖြစ်ကြောင်းနှင့် အဆိုပါကျောင်းတွင် ကျောင်းသား/သူ ၅၀၉ ဦးကို ကိုဗစ်-၁၉ ရောဂါကာကွယ် ထိုးနှံပေးနိုင်ခဲ့ပြီးဖြစ်ကြောင်း သိရှိရသည်။
ပုလောမြို့နယ် ပြည်သူ့ကျန်းမာရေးဌာနမှ ဝန်ထမ်းများက ကျောင်းသား/သူများကို ကိုဗစ်-၁၉ ရောဂါ ကာကွယ်ဆေးမထိုးနှံမီ အပူချိန်တိုင်းတာပေး၍ ကိုဗစ်-၁၉ ရောဂါ ကာကွယ်ဆေးထိုးနှံပေးခြင်း၊ ဆေးထိုးပြီးပါက နောက်ဆက်တွဲ ဆိုးကျိုးများရှိ/မရှိသိရှိနိုင်ရန် မိနစ်(၃၀)အကြာ စောင့်ကြည့်၍ စနစ်တကျဆောင်ရွက်ပေးကြောင်း သိရှိရသည်။
သတင်း - အေးအေးမော်
မြန်မာနေရှင်နယ်ပို့စ်
No comments:
Post a Comment