MNP - စက်တင်ဘာ ၂၃
ရှမ်းပြည်နယ်(တောင်ပိုင်း) လွိုင်လင်မြို့၌ မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း က စားသုံးသူလက်ဝယ်အရောက် တိုက်ရိုက်လက်လီလက်ကားစနစ်ဖြင့် ဆီ (၁) ပိသာ လျှင် ၅၃၀၀ ကျပ်နှုန်းဖြင့် ယနေ့ နံနက်(၁၀)နာရီက မြို့မဈေးကြီး အနောက်ဘက်တွင် ရောင်းချလျက်ရှိကြောင်း သိရသည်။
ထိုသို့ရောင်းချရာတွင် စားသုံးသူပြည်များမှာ သက်သာသောဈေးနှုန်းဖြင့် ဝယ်ယူစားသုံးနိုင်ရန် လက်လီ လက်ကားလာရောက်ရောင်းချပေးခြင်းဖြစ်ကြောင်း၊ စားသုံးသူ မိဘပြည်သူများ ပြေလည်စေရန်ရည်ရွယ်၍ စက်တင်ဘာလ ၄ ရက်နေ့က တစ်ကြိမ်၊ စက်တင်ဘာလ ၁၈ ရက်နေ့က တစ်ကြိမ်နှင့် ယနေ့ စက်တင်ဘာလ ၂၃ ရက်နေ့တွင်တစ်ကြိမ် ၊စက်ဘာလအတွင်း စုစုပေါင်းသုံးကြိမ်ရှိပြီဖြစ်ကြောင်း တာဝန်ရှိသူတစ်ဦးထံမှ သိရသည်။
သတင်း - လွိုင်လင်မိုး
မြန်မာနေရှင်နယ်ပို့စ်
No comments:
Post a Comment