MNP - စက်တင်ဘာ ၂၉
ကရင်ပြည်နယ်၊ ဘားအံခရိုင်၊ လိပ်သိုမြို့၌ ကိုဗစ်-၁၉ ရောဂါ ကာကွယ်ဆေး တတိယအကြိမ်ထိုးနှံပြီးသော ပြည်သူများအား ကိုဗစ်-၁၉ ရောဂါ ကာကွယ်ဆေး ထပ်ဆောင်း (Booster Dose) စတုတ္ထအကြိမ် ထိုးနှံပေးခြင်းကို ယမန်နေ့နံနက် ၁၀ နာရီ အချိန်က အမှတ် (၄) ရပ်ကွက် တိုက်နယ်ကျန်းမာရေးဦးစီးဌာနဆေးခန်း၌ ထိုးနှံပေးလျက်ရှိကြောင်း သိရသည်။
ကိုဗစ်-၁၉ ရောဂါကာကွယ်ဆေး ထပ်ဆောင်းထိုးနှံပေးခြင်းကို မြို့ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ၏ ဦးဆောင်မှုဖြင့် မြို့အထွေထွေ အုပ်ချုပ်ရေးဦးစီးဌာနမှ ဝန်ထမ်းများနှင့် လိပ်သိုတိုက်နယ် ကျန်းမာရေးဦးစီးဌာန ဝန်ထမ်း များက တတိယအကြိမ်ထိုးနှံပြီးသော ပြည်သူများကို ကိုဗစ်-၁၉ ကာကွယ်ဆေး (Sinovac) ကို ထိုးနှံပေးခဲ့ပြီး ကျန်ရှိနေသောပြည်သူများအား နောက်ရက်တွင် ဆက်လက်ထိုးနှံပေးသွားမည်ဖြစ်ကြောင်း သိရသည်။
သတင်း - ခင်လေးနွယ်
မြန်မာနေရှင်နယ်ပို့စ်
No comments:
Post a Comment