MNP - စက်တင်ဘာ ၆
စစ်ကိုင်းတိုင်းဒေသကြီး၊ မော်လိုက်မြို့၊ အခြေခံပညာအထက်တန်းကျောင်းနှင့် အခြေခံပညာအလယ်တန်း(ခွဲ) (တပ်နယ်) ကျောင်းတို့ရှိ အသက်(၁၂)နှစ်နှင့်အထက် ကျောင်းသား/ သူများအား ယမန်နေ့ မွန်းလွဲပိုင်းက ကိုဗစ်-၁၉ရောဂါ ကာကွယ်ဆေး Booster Dose ထပ်ဆောင်း ထိုးနှံပေးခဲ့ကြောင်း သိရသည်။
ထိုသို့ အသက်(၁၂)နှစ်နှင့်အထက် ကျောင်းသား/ သူများအား ကိုဗစ်ရောဂါ ကာကွယ်ဆေး Booster Dose ထပ်ဆောင်းထိုးနှံပေးရာတွင် မော်လိုက်မြို့၊ အခြေခံပညာအထက်တန်းကျောင်းမှ ကျောင်းသား/ သူ (၃၄၉)ဦး၊ အခြေခံပညာအလယ်တန်း(ခွဲ) (တပ်နယ်)ကျောင်းမှ ကျောင်းသား/ သူ (၁၂)ဦးတို့အား ကျန်းမာရေးဝန်ထမ်းများနှင့် ဆရာ/ဆရာမများက စာရင်းမှတ်တမ်းရေးသွင်းခြင်း၊ ကျန်းမာရေးစစ်ဆေးခြင်းများကို ဆောင်ရွက်ပေးခဲ့ကြပြီး စိတ်ချရသူများအား ကျန်းမာရေးဝန်ထမ်းများက ကိုဗစ်ရောဂါကာကွယ်ဆေး Booster Dose ထပ်ဆောင်းထိုးနှံပေးခဲ့ကြသည်။
အဆိုပါ အသက်(၁၂)နှစ်နှင့်အထက် ကျောင်းသား/ သူများအား ကိုဗစ်ရောဂါ ကာကွယ်ဆေး Booster Dose ထပ်ဆောင်းထိုးနှံပေးရာသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ၊ ခရိုင်အုပ်ချုပ်ရေးမှူး ဦးအေးလွင်နှင့်အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ မြို့နယ်အုပ်ချုပ်ရေးမှူး ဦးဝဏ္ဏထွန်းနှင့်အဖွဲ့ဝင်များက သွားရောက်ကြည့်ရှုအားပေးခဲ့ကြပြီး ကျောင်းသား/ သူများအတွက် ပါးစပ် နှာခေါင်းစည်းများနှင့် လက်သန့်ဆေးရည်များ ထောက်ပံ့ပေးအပ်ခဲ့ကြောင်း သိရသည်။
သတင်း - မော်လိုက်သားလေး
မြန်မာနေရှင်နယ်ပို့စ်
No comments:
Post a Comment