MNP ၊ စက်တင်ဘာ ၅
ရခိုင်ပြည်နယ်၊ တောင်ကုတ်မြို့နယ်၊ မအီမြိုတွင် ကိုဗစ်- ၁၉ ရောဂါကာကွယ်ဆေးကို ညွှန်ကြားချက်နှင့်အညီ သတ်မှတ်အကြိမ်ရေ ပြည့်မီစွာ ထိုးနှံပေးနိုင်ရေးအတွက် ကွင်းဆင်းထိုးနှံပေးလျက်ရှိရာ မအီမြို့နယ်၊ ဂျီဖြူတောင်ကျေးရွာအုပ်စုတွင် ပြည်သူအခြေပြုအနေဖြင့် ကိုဗစ်- ၁၉ ရောဂါကာကွယ်ဆေးပထမအကြိမ် ဒုတိယုအကြိမ်နှင့် တတိယအကြိမ် ထပ်ဆောင်း(Booster) ထိုးနှံခြင်းကို ယနေ့နံနက်ပိုင်းက ဂျီဖြူတောင်ကျေးရွာ၊ အခြေခံပညာ အထက်တန်းကျောင်း(ခွဲ)တွင် မအီမြို့၊ ကျေးလက်ကျန်းမာရေးဦးစီးဌာနမှ ကွင်းဆင်းထိုးနှံခဲ့ကြောင်း သိရသည်။
ထိုသို့ ကာကွယ်ဆေးထိုးနှံပေးခြင်းကို မအီမြို့၊ ကျေးလက်ကျန်းမာရေးဦးစီးဌာနမှ ကျန်းမာရေးမှူး ဦးလှဝင်း၏ စီစဉ်ကြီးကြပ်မှုဖြင့် ကျန်းမာရေးဝန်ထမ်းများ၊ သက်ဆိုင်ရာ ရပ်ကွက်/ကျေးရွာ အုပ်ချုပ်ရေးမှူးများ၊ စာရေးဝန်ထမ်းများက ကိုဗစ်-၁၉ရောဂါ ကာကွယ်ဆေးထိုးနှံကြမည့် ကျောင်းသား၊ ကျောင်းသူများနှင့် ပြည်သူများအား ဆေးမထိုးနှံမီကိုယ်အပူချိန်တိုင်းခြင်း၊ လက်သန့်စင်စေခြင်း၊ ကာကွယ်ဆေးထိုးနှံပြီးချိန်တွင် ခေတ္တအနားယူစေခြင်း စသည့် လိုအပ်သော ကျန်းမာရေးစောင့်ရှောက်မှုများကို ပူးပေါင်း ကူညီဆောင်ရွက်ပေးခဲ့ကြပြီး သက်ဆိုင်ရာကျန်းမာရေးဝန်ထမ်းများက ပြည်သူများအား ကိုဗစ်-၁၉ ရောဂါ ကာကွယ်ဆး ထိုးနှံပေးခဲ့ကြသည်။
အဆိုပါ ကိုဗစ်-၁၉ ကာကွယ်ဆေး ထပ်ဆောင်းထိုးနှံပေးသည့် ဆေးထိုးစုရပ်ထားရှိရာ လက်ပံ(အ ထ က ခွဲ)သို့ အောင်သပြေကျေးရွာ၊ ကင်းခြေရွာသစ်ကျေးရွာ၊ ကင်းခြေရွာဟောင်းကျေးရွာနှင့် ကံကျွန်းကျေးရွာ စသည့် နီးစပ်ရာကျေးရွာများမှ ပြည်သူများက လာရောက်ထိုးနှံခဲ့ကြပြီး ကိုဗစ်-၁၉ ကာကွယ်ဆေးထိုးနှံရန် ကျန်ရှိနေသေးသည့် ကျေးရွာအုပ်စုများကိုလည်း သက်ဆိုင်ရာ ကျေးလက်ကျန်းမာရေးဌာနခွဲမှ ကျန်းမာရေးဝန်ထမ်းများနှင့် ညှိနှိုင်းပြီး ဆက်လက်ထိုးနှံပေးသွားမည်ဖြစ်ကြောင်း ကျေးလက်ကျန်းမာရေးဦးစီးဌာနမှ ကျန်းမာရေးမှူး ဦးလှဝင်းက သိရသည်။
မောင်မောင်ဌေး
https://t.me/MyanmarNationalPost
No comments:
Post a Comment