MNP ၊ စက်တင်ဘာ ၁၄
ရခိုင်ပြည်နယ်၊ သံတွဲခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် အမျိုးသမီးများအဖွဲ့ (Woman Club) တို့ပူးပေါင်း၍ သံတွဲခရိုင်လူထုအခြေပြုဗဟိုဌာန(Community Centre)ခန်းမတွင် ယမန်နေ့ မွန်းလွဲ(၂)နာရီက စာရေးဆရာDrမြင့်သန်းထွန်း၏ “ပြည်သူများအတွက်ကျန်းမာရေးဆိုင်ရာအကြံပြုချက် ဆောင်းပါးများ”စာအုပ်ဖြင့် စာဖတ်ဝိုင်းပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြားရေးမှူး ဒေါ်စန္ဒာကြည် က စာဖတ်ဝိုင်းပြုလုပ်ရခြင်း၏ရည်ရွယ်ချက်များကိုရှင်းလင်းပြောကြားပြီးခရိုင်အမျိုးသမီးရေးရာအဖွဲ့ဥက္ကဌ ဒေါ်ဝင်းမြတ်ဖြူက "သဝန်တိုခြင်းနှင့်ကျန်းမာရေး "ခေါင်းစဉ်ဖြင့်လည်းကောင်း၊ မြို့နယ်အမျိုးသမီးရေးရာ အဖွဲ့အတွင်းရေးမှူးဒေါ်သင်းသင်းမာက"စိတ်ဖိစီးမှုနှင့်ကျန်းမာရေးပြဿနာများ"ခေါင်းစဉ်ဖြင့် လည်းကောင်း ခရိုင်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့မှဒေါ်သန်းသန်းနွယ်က"ပင်စင်စားများနှင့် ကျန်းမာရေး "ခေါင်းစဉ်ဖြင့်လည်းကောင်း၊လက်ထောက်ညွှန်ကြားရေးမှူး ဒေါ်စန္ဒာကြည် က "ကိုယ်ခန္ဓာအဝလွန်ခြင်းနှင့် ကျန်းမာရေး "ခေါင်းစဉ်ဖြင့်အသီးသီးဆွေးနွေးခဲ့ကြပါသည်။
သံတွဲခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနသည်ဝန်ကြီးဌာန၏ ရည်မှန်းချက်တာဝန် (၃)ရပ်ဖြစ်သော ပြန်ကြားပေးရန်၊ ပညာပေးရန်၊ ဖျော်ဖြေပေးရန် ဆိုသည်နှင့်အညီ ပြည်သူများအတွက် ပြည်သူ့စာကြည့်တိုက်လုပ်ငန်း၊ရွေ့လျားစာကြည့်တိုက်လုပ်ငန်း၊ အသိပညာပေးအစီအစဉ်များ ရိုက်ကူး ထုတ်လွှင့်ပေးခြင်း၊ စာဖတ်ဝိုင်းများ၊ နံရံကပ်စာစောင်ပြသခြင်း၊ ပြပွဲပြိုင်ပွဲများကျင်းပပေးခြင်းများကိုလည်း ဆောင်ရွက်ပေးလျက်ရှိသည်။
စန္ဒာကြည်
https://t.me/MyanmarNationalPost
No comments:
Post a Comment