MNP - စက်တင်ဘာ ၁၀
ရှမ်းပြည်နယ်(အရှေ့ပိုင်း)၊ မိုင်းယောင်းခရိုင်၊ မိုင်းယောင်းမြို့နယ်၊ မိုင်းယုမြို့တွင် ကိုဗစ်-၁၉ ရောဂါ ကြိုတင်ကာကွယ်ရေးအတွက် မြို့ဝင်လမ်းဆုံနေရာများ၊ ဈေးဆိုင်များ၊ ကားဂိတ်၊ စားသောက်ဆိုင်နှင့် ဘက်ဖက်ရည်ဆိုင်တို့၌ ပြည်သူများနှာခေါင်းစည်းတပ်ဆင်ရေး (Mask Campaign) ပြုလုပ်ခြင်းနှင့် ကိုဗစ်-၁၉ ရောဂါကာကွယ်ဆေး Booster Dose ထိုးနှံနိုင်ရေး အတွက် အသိပညာပေးလုပ်ငန်းများကို ယနေ့နံနက်ပိုင်းက ပြုလုပ်ခဲ့ကြောင်း သိရသည်။
အဆိုပါ ဆောင်ရွက်ခြင်းကို မိုင်းယောင်းမြို့နယ် ကိုဗစ်-၁၉ ရောဂါ ကာကွယ်၊ ထိန်းချုပ်ရေး ကော်မတီဝင်များဖြစ်သည့် မိုင်းယုမြို့အုပ်ချုပ်ရေးမှူး ဦးလောထွေးနှင့် ကော်မတီ အဖွဲ့ဝင်များက ပူးပေါင်းပြီး သက်ဆိုင်ရာအဖွဲ့ခွဲအလိုက် အဖွဲ့ဝင်များပါဝင်၍ ပြည်သူများ အနေဖြင့် ကိုဗစ်-၁၉ ရောဂါကို ကြိုတင်ကာကွယ်နိုင်ရေးအတွက် အပြင်ထွက်သွားလာပါက နှာခေါင်းစည်းတပ်ကြရန်၊ ကုန်တင်ယာဉ် မောင်းနှင်သူများ၊ ကုန်ဆုံဆိုင်ပိုင်ရှင်များ၊ ဈေးရောင်း၊ ဈေးဝယ်ပြည်သူများနှင့် လမ်းသွားလမ်းလာ ပြည်သူများအား နှာခေါင်းစည်း တပ်ဆင်သွားလာကြရေး အသိပညာပေး ပြောကြားပြီး နှာခေါင်းစည်း(Mask)များ အခမဲ့ဖြန့်ဝေပေးခဲ့ကာ၊ ကိုဗစ်-၁၉ ရောဂါကာကွယ်ဆေး Booster Dose ထိုးနှံနိုင်ရေး အတွက် အသိပညာပေး ဆောင်ရွက်ခဲ့ကြသည်။
ထို့နောက် သက်ဆိုင်ရာအဖွဲ့များပါဝင်ပြီး ကုန်ဆုံဆိုင်များ ဈေးဆိုင်ရှေ့ကြိုးတန်း၍ ရောင်းချရေးနှင့် ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေးလုပ်ငန်းနှင့် ပတ်သက်သည့် စည်းမျဉ်းစည်းကမ်းများကိုလည်း အသိပညာပေးနှိုးဆော်ခြင်းများ ပြုလုပ်ခဲ့ကြကြောင်း သိရသည်။
သတင်း - အားချာ
မြန်မာနေရှင်နယ်ပို့စ်
No comments:
Post a Comment