MNP ၊ စက်တင်ဘာ ၁၉
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့နယ်တွင် ပြည်သူများ ကိုဗစ်-၁၉ မျိုးရိုးဗီဇပြောင်း အိုမီခရွန် ရောဂါကူးစက်မှုမရှိစေရန်နှင့်ကာကွယ်ထိန်းချုပ်နိုင်ရန် မြို့နယ် ကိုဗစ်-၁၉ ရောဂါထိန်းချုပ်ရေးနှင့် အရေးပေါ်တုန့်ပြန်ရေးကော်မတီ၏ ဦးဆောင်မှုဖြင့် သက်ဆိုင်ရာဌာနဆိုင်ရာများ ၊ လူမှုရေးအသင်းအဖွဲ့များ ပူးပေါင်း၍ ယနေ့နံနက်(၈)နာရီအချိန်တွင် စည်ပင်လမ်းဆုံ ၌ Mask Campaign ပြုလုပ်ခြင်းနှင့် Mask တပ်ဆင်သွားလာကြရန် အသိပညာပေး ခြင်းလုပ်ငန်းများကိုဆောင်ရွက်ခဲ့ကြောင်းသိရသည်။
အဆိုပါ Mask Campaign ပြုလုပ်ရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးဇာနည်တိုး နှင့်အဖွဲ့ ဝင်များ ၊ မြို့နယ်အဆင့်ဌာနဆိုင်ရာများ ၊ မြန်မာနိုင်ငံရဲတပ်ဖွဲ့ဝင်များ ၊ မြို့နယ်မိခင်နှင့်ကလေး ၊ အမျိုးသမီး ရေးရာအဖွဲ့ဝင်များ ၊ ပရဟိတအဖွဲ့ဝင်များ က ပြည်သူများအား နှာခေါင်းစည်း Mask များအခမဲ့ဖြန့်ဝေခြင်း နှင့် Mask များတပ်ဆင်သွားလာကြရန်အသိပညာပေးခြင်းများကို ဆောင်ရွက်ခဲ့ကြကြောင်းသိရသည်။
https://t.me/MyanmarNationalPost
No comments:
Post a Comment