MNP - စက်တင်ဘာ ၂၈
မကွေးတိုင်းဒေသကြီး၊ ဂန့်ဂေါမြို့ မြန်မာ့စီးပွားရေးဘဏ်၌ ယမန်နေ့နံနက်တွင် ပင်စင်လာထုတ်သည့် အငြိမ်းစားဝန်ထမ်းများအား Rapid Test Kit ဖြင့် ကိုဗစ်-၁၉ရောဂါ ရှိ/ မရှိစစ်ဆေးကြကြောင်း သိရသည်။
ထိုသို့စစ်ဆေးရာတွင် မြန်မာ့စီးပွားရေးဘဏ်သို့ ပင်စင်လာထုတ်သည့် အငြိမ်းစား ဝန်ထမ်းများ၌ ကိုဗစ်ရောဂါပိုး ရှိ/ မရှိ စစ်ဆေးရန် ဆန္ဒရှိသည့် (၁၀)ဦးအား ကိုဗစ်-၁၉ ရောဂါပိုး ရှိ/ မရှိ ချက်ချင်း သိနိုင်ရန် RTD နည်းအရ Test Kit ဖြင့် ချက်ချင်းစစ်ဆေးခဲ့ပြီးဖြစ်ကာ ကိုဗစ်-၁၉ ရောဂါကူးစက်မှု တွေ့ရှိခြင်းမရှိကြောင်း ဂန့်ဂေါခရိုင် ကျန်းမာရေးဦးစီးဌာန ကျန်းမာရေးမှူး ဦးစန်းဝင်း၏ ပြောပြချက်အရ သိရသည်။
ဂန့်ဂေါမြို့နယ် အထွေထွေအုပ်ချုပ်ရေးဦးစီးဌာနဝန်ထမ်းများ၊ ခရိုင်ကျန်းမာရေးဦးစီးဌာန ဝန်ထမ်းများ၊ ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဝန်ထမ်းများ၊ မြို့နယ်မြန်မာ့စီးပွားရေးဘဏ် ဝန်ထမ်းများ၊ မြို့နယ်ရဲတပ်ဖွဲ့ဝင်များနှင့် တာဝန်ရှိသူများတို့က ပင်စင်လာထုတ်သည့် အငြိမ်းစားဝန်ထမ်းများအား ပါးစပ်နှင့်နှာခေါင်းစည်း (Mask)များကို အခမဲ့ဖြန့်ဝေပေးခဲ့ကြောင်း သိရသည်။
သတင်း - ထင်အောင်နိုင်
မြန်မာနေရှင်နယ်ပို့စ်
No comments:
Post a Comment