MNP ၊ အောက်တိုဘာ ၄
ရခိုင်ပြည်နယ်၊စစ်တွေခရိုင်၊ရသေ့တောင်မြို့တွင် ကိုဗစ်-၁၉မျိုးကွဲသစ် အိုမီခရွန် မျိုးစိပ်သစ် BA-4 , BA-5ရောဂါကာကွယ်ရေးနည်းလမ်းများအား အသိပညာပေးနှိုးဆော်ခြင်းကို ယနေ့ နံနက်ပိုင်းက ပြန်ကြားရေးနှင့် ပြည့်သူ့ဆက်ဆံရေးဦးစီးဌာနနှင့် မီးသတ်ဦးစီးဌာနမှ ဝန်ထမ်းများက မြို့ပေါ်ရပ်ကွက်များအတွင်း ကွင်းဆင်းဆောင်ရွက်ခဲ့ကြောင်း သိရသည်။
ထိုသို့ အသိပညာပေးဆောင်ရွက်ရာတွင် ကိုဗစ်-၁၉ရောဂါ မျိုးဗီဇပြောင်း အိုမီခရွန် မျိုးစိပ်သစ် BA-4, BA-5 ရောဂါပိုးသည် ယခင်က ကိုဗစ်-၁၉ ရောဂါ ဖြစ်ပြီးသူများကိုလည်း ကူးစက်နိုင်ပြီး ပြည်တွင်းပိုးတွေ့လူနာများတွင် တွေ့ရှိလာရသည့်အတွက် ပြည်သူများအနေဖြင့် တတ်နိုင်သမျှ အိမ်မှာနေကြရန်၊ အပြင်ထွက်တိုင်း ပါးစပ်နှင့်နှာခေါင်းစည်း(Mask)ကို စနစ်တကျ တပ်ဆင်သွားလာကြရန်၊ လက်ကိုမကြာခဏ ဆပ်ပြာနှင့် စက္ကန့် (၂၀)ကြာ ဆေးကြောကြရန်၊ လူထူထပ်သောနေရာများသို့ သွားရောက်ခြင်းမှ ရှောင်ကြဉ်ကြရန်၊ ကာကွယ်ဆေးများကိုလည်း အကြိမ်ရေပြည့်မီစွာ မပျက်မကွက် ထိုးနှံကြရန်နှင့် ဖျားနာခြင်း၊ ချောင်းဆိုးခြင်း၊ လည်ချောင်းနာခြင်း စသည့် ကိုဗစ်-၁၉ ရောဂါ သံသယလက္ခဏာတစ်ခုခု ရှိပါက နီးစပ်ရာ ကျန်းမာရေးဌာနသို့ သတင်းပို့ပြီး ပါးစပ်နှင့် နှာခေါင်းစည်း(Mask)တပ်ဆင်ခြင်းကို မဖြစ်မနေ ဆောင်ရွက်ကြရန် စသည့် ကျန်းမာရေးဝန်ကြီးဌာန၏ ကာကွယ်ရေးနည်းလမ်းများကို ရသေ့တောင်မြို့ပေါ် ရပ်ကွက်များအနှံ့ အသိပညာပေး နှိုးဆော်ခဲ့ကြောင်း သိရသည်။
ထွန်းလင်းကျော်
https://t.me/MyanmarNationalPost
No comments:
Post a Comment