MNP ၊ အောက်တိုဘာ ၁
ရခိုင်ပြည်နယ်၊ သံတွဲခရိုင်၊ ဂွမြို့နယ်တွင် စည်ပင်ကျေးရွာ လျှိုပိတ်ဆည် တည်ဆောက်ရာ၌ ပါဝင်သွားသူများအား မြေယာ/သီးနှံ လျော်ကြေးငွေပေးအပ်ခြင်း အခမ်းအနားကို စက်တင်ဘာ(၃၀)ရက်နေ့ နေ့လည်ပိုင်းက ကျင်းပပြုလုပ်ခဲ့သည်။
အခမ်းအနားတွင် စည်ပင်ကျေးရွာ လျှိုပိတ်ဆည် မြေယာ/သီးနှံ လျော်ကြေးငွေပေးအပ်ခြင်းနှင့် ပတ်သက်၍ ခရိုင် ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနမှ ဦးစီးအရာရှိ ဦးအောင်မျိုးဦးကအမှာစကား ပြောကြားခဲ့ပြီး စည်ပင်လျှိုပိတ်ဆည် မြေယာ/သီးနှံ လျော်ကြေးငွေပေးအပ်ခြင်းနှင့် ပတ်သက်၍ ဆောင်ရွက်ခဲ့မှု အခြေအနေများကို မြို့နယ်အုပ်ချုပ်ရေးမှူးဦးဇာနည်ကျော်က ရှင်းလင်းပြောကြားခဲ့သည်။
ဆက်လက်၍ မြေယာ/သီးနှံ လျော်ကြေးငွေများကို ပေးအပ်ခဲ့ရာ စည်ပင်လျှိုပိတ်ဆည် တည်ဆောက်ရာတွင် ပါဝင်သွားသည့် လယ်မြေဧရိယာ (၆.၅၂)ဧကနှင့် မြေလွတ်(၈.၇၄)ဧကရှိ သီးနှံပင်များ ပါဝင်ခြင်းနှင့် ပတ်သက်၍ ကာယကံရှင်(၃)ဦးအား လျော်ကြေးငွေ ၆၃၈သိန်း၅သောင်းကို တာဝန်ရှိသူများက ပေးအပ်ခဲ့ပြီး မြေယာ/သီးနှံ လျော်ကြေးငွေ လက်ခံရရှိမှုအပေါ် ကာယကံရှင်တစ်ဦးက ကျေးဇူးတင်စကား ပြောကြားခဲ့ကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment