MNP ၊ အောက်တိုဘာ ၂
မွန်ပြည်နယ်၊ပေါင်မြို့နယ်တွင်၊ မိုးစပါးစိုက်ခင်းများ၌ ပိုးမွှားရောဂါကျရောက်မှုများရှိသဖြင့် ကာကွယ်နှိမ်းနင်နိုင်ရန်နည်းပညာဆွေးနွေးပွဲ ပြုလုပ်ခြင်းကို ယနေ့နံနက်ပိုင်း၌ သဲဖြူကုန်းကျေးရွာနှင့် ကျွဲခြံကျေးရွာတို့တွင် ကျင်းပပြုလုပ်ခဲ့ကြောင်းသိရသည်။
ထိုသို့ပြုလုပ်ဆောင်ရွက်ရာတွင် စိုက်ပျိုးရေးဦးစီးဌာန၊ သထုံခရိုင်ပိုးမွှားတာဝန်ခံနှင့် မြို့နယ်ရုံးမှဝန်ထမ်းများမှ ဆောင်ရွက်ခဲ့ရာ သဲဖြူကုန်းကျေးရွာ၌ တောင်သူ ၄၂ဦးတက်ရောက်ခဲ့ပါသည်။ အလား ကျွဲခြံကျေးရွာတွင်ပိုးမွှားရောဂါကာကွယ်နှိမ်နင်းနည်းပညာဆွေးနွေးပွဲကို ဆောင်ရွက်ခဲ့ရာတောင်သူ ၂၀ဦးတက်ရောက်ခဲ့ပါသည်။
စိုက်ပျိုးရေးဦးစီးဌာန၏ လုပ်ငန်းတာဝန်မှာ တောင်သူများမိမိတို့မိုးစပါးစိုက်ခင်းများ၌ ပိုးမွှားရောဂါကျရောက်ပါက စိုက်ပျိုးရေးဦးစီးဌာနနှင့် ဆက်သွယ်၍ နည်းပညာအကူအညီများ ရယူဆောင်ရွက်ပါရန် နိူးဆော်ထားရှိကြောင်း သတင်းရရှိသည်။
https://t.me/MyanmarNationalPost
No comments:
Post a Comment